ÚNU fær ekki gögn kjararáðs

Kjararáð telur ekki tilefni til að afhenda úrskurðarnefnd um upplýsingamál (ÚNU) afrit af fundargerðum sínum í trúnaði. Ráðið telur sig ekki falla undir upplýsingalög og þar með ekki undir valdsvið nefndarinnar.

Þetta kemur fram í athugasemdum kjararáðs vegna kæru Fréttablaðsins til ÚNU. Í athugasemdunum er hamrað á því að ráðið sé ekki stjórnvald heldur starfi fyrir alla þrjá arma ríkisvaldsins.

Sjá einnig: Kjararáð vill ekki Fréttablaðinu fundargerðir sínar

Í kjölfar kæru Fréttablaðsins var ráðinu gefinn kostur á að koma með röksemdir fyrir synjuninni og beðið um að ÚNU yrði veittur aðgangur að gögnunum í trúnaði.

„Kjararáð telur því ekki tilefni til að senda gögnin til [ÚNU] fyrr en fyrir liggur hver niðurstaða nefndarinnar verður um hvort kjararáð falli undir upplýsingalög,“ segir í athugasemdunum.