Tveir erlendir til liðs við Þór Þorlákshöfn

Nick Tomsick og Joe Tagatelli munu leika með Þór Þorlákshöfn í Dominos deild karla á næstu leiktíð. Frá þessu er greint á Karfan.is

Nick Tomsick er króatískur leikstjórnandi sem hefur spilað víðu í Evrópu auk þess að hafa verið í bandaríska háskólaboltanum. Hann er sagður geta leikið báðar bakvarðastöðurnar en hann er 186 sentimetrar á hæð.

Joe Tagatelli er bandarískur miðherji sem lék á Englandi á síðustu leiktíð. Hann er 197 sentimetri á hæð og lék með Quincy háskólanum á sínum tíma. Í fyrra skilaði hann 18,6 stigum og 10 fráköstum að meðaltali í leik.

Baldur Þór Ragnarsson tók við stjórnartaumunum í Þorlákshöfn á dögunum en sterkir leikmenn á borð við Snorra Hrafnkelsson og Ólaf Helga Jónsson hafa yfirgefið liðið. Ragnar Örn Bragason er hins vegar mættur aftur til Þórs Þorlákshafnar frá Keflavík.