Chelsea og Roma vilja vítabanann Schmeichel

Kasper Schmeichel, markvörður danska landsliðsins og Leicester, er nú orðaður við Chelsea og Roma en bæði lið hafa áhuga á kappanum. Sky Sports greinir frá.

Bæði lið eru sögð vera að leita eftir markmanni en markverðir liðanna; Thibaut Courtois hjá Chelsea og Alisson hjá Roma eru sagðir á leið frá félögunum.

Schmeichel er 31 ára sem spilaði stóra rullu er Leicester urðu Englandsmeistarar öllum að óvörum árið 2016 en hann sýndi snilla sína á HM í gærkvöldi.

Hann varði þrjár vítaspyrnur er Danir duttu úr fyrir Króötum í vítaspyrnukeppni en hann kom Dönum í vítaspyrnukeppni eftir að hafa varið víti frá Luka Modric á loka andartökum leiksins.

Nú er að sjá og bíða hvað gerist hjá Schmeichel sem er á vörum heimsbyggðarinnar en hann hefur verið í röðum Leicester frá 2011 er hann kom frá Leeds United.

Tough to take. Gutted beyond words but so proud of this team! pic.twitter.com/VuwEwBOqsY

— Kasper Schmeichel (@kschmeichel1) July 1, 2018