Google fylgist með notendum í leyfisleysi

Rannsókn fréttastofunnar AP segir frá því að tæknirisinn Google geti staðsett notendur sína þrátt fyrir að þeir hafi falið staðsetningu sína og beðið sérstaklega um að ekki yrði fylgst með þeim. Fleiri en tveir milljarðar nota Google í snjallsíma sínum, í leitar- eða kortatilgangi.

Rannsóknin, sem leiðir í ljós að staðsetning Google notenda sé skrásett óumbeðið, er viðurkennd af rannsóknarfólki Princeton háskóla.

Til þess að Google hætti að skrá staðsetningu notenda sinna þurfa þeir sjálfir að stilla það í snjallsíma sínum.

Talsmenn Google segja að fyrirtækið útskýri staðsetningartækni sína vel og gefi notendum skýrar leiðbeiningar hvernig eigi að slökkva á henni.

Hér er hægt að lesa nánar um rannsókn AP.