Gasly tekur við af Ricciardo hjá Red Bull

Frakkinn Pierre Gasly mun taka sæti Daniel Ricciardo hjá Red Bull á næsta tímabili í Formúlu 1. Ricciardo skrifaði undir samning við Renault fyrr í sumar.

Gasly hefur ekið með dótturliðið Red Bull, Toro Rosso, á þessu ári með góðum árangri og náði hann meðal annars fjórða sætinu í Barein kappakstrinum.

Frakkinn er einungis 22 ára gamall og verður Red Bull því með afar ungt lið, þar sem Max Verstappen er einungis tvítugur.

„Red Bull hafa alltaf barist um sigra og titla og það er það sem ég vill,“ sagði Gasly.