Bein útsending: Stefnuræða forsætisráðherra og umræður um hana

Þingfundur hefst á Alþingi klukkan 19:30 þegar Katrín Jakobsdóttir, forsætisráðherra og formaður Vinstri hreyfingarinnar - græns framboðs, flytur stefnuræða sína. Horfa má á beina útsendingu hér fyrir neðan.

Umræðurnar skiptast í þrjár umferðir. Hefur forsætisráðherra sextán mínútur til að flytja stefnuræðuna en aðrir þingflokkar hafa átta mínútur í fyrstu umferði, Í annarri umferð hafa ræðumenn flokanna fimm mínútur en í þriðju umferð hafa þingflokkarnir svo fjórar mínútur hver. Röð flokkanna og ræðumenn má sjá hér að neðan.

Röð flokkanna er í öllum umferðum þessi:

1. Vinstrihreyfingin – grænt framboð.
2. Samfylkingin
3. Miðflokkurinn
4. Sjálfstæðisflokkur
5. Píratar
6. Framsóknarflokkur
7. Flokkur fólksins
8. Viðreisn

Ræðumenn fyrir Vinstrihreyfinguna – grænt framboð verða Katrín Jakobsdóttir forsætisráðherra í fyrstu umferð, Svandís Svavarsdóttir heilbrigðisráðherra í annarri umferð og Guðmundur Ingi Guðbrandsson, umhverfis- og auðlindaráðherra, í þriðju umferð.

Ræðumenn Samfylkingarinnar verða í fyrstu umferð Logi Einarsson, 5. þingmaður Norðausturkjördæmis, í annarri umferð Albertína Friðbjörg Elíasdóttir, 10. þingmaður Norðausturkjördæmis, og Ágúst Ólafur Ágústsson, 3. þingmaður Reykjavíkurkjördæmis suður, í þriðju umferð.

Ræðumenn Miðflokksins verða í fyrstu umferð Sigmundur Davíð Gunnlaugsson, 3. þingmaður Norðausturkjördæmis, Bergþór Ólason, 4. þingmaður Norðvesturkjördæmis, í annarri umferð og Sigurður Páll Jónsson, 8. þingmaður Norðvesturkjördæmis, í þriðju umferð.

Ræðumenn fyrir Sjálfstæðisflokkinn verða Bjarni Benediktsson, fjármála- og efnahagsráðherra, í fyrstu umferð, Sigríður Á. Andersen dómsmálaráðherra í annarri umferð og Haraldur Benediktsson, 1. þingmaður Norðvesturkjördæmis, í þriðju umferð.

Fyrir Pírata tala Halldóra Mogensen, 11. þingmaður Reykjavíkurkjördæmis norður, í fyrstu umferð, Smári McCarthy, 10. þingmaður Suðurkjördæmis, í annarri umferð og Jón Þór Ólafsson, 8. þingmaður Suðvesturkjördæmis, í þriðju.

Fyrir Framsóknarflokkinn tala Sigurður Ingi Jóhannsson, samgöngu- og sveitarstjórnarráðherra, í fyrstu umferð, í annarri umferð Lilja Alfreðsdóttir, mennta- og menningarmálaráðherra, og í þriðju umferð Ásmundur Einar Daðason, félags- og jafnréttismálaráðherra.

Fyrir Flokk fólksins tala í fyrstu umferð Inga Sæland, 8. þingmaður Reykjavíkurkjördæmis suður, í annarri Ólafur Ísleifsson, 10. þingmaður Reykjavíkurkjördæmis norður, og í þriðju umferð Karl Gauti Hjaltason, 8. þingmaður Suðurkjördæmis.

Ræðumenn Viðreisnar verða í fyrstu umferð Þorgerður K. Gunnarsdóttir, 7. þingmaður Suðvesturkjördæmis, í annarri Þorsteinn Víglundsson, 7. þingmaður Reykjavíkurkjördæmis norður, og í þriðju umferð Hanna Katrín Friðriksson, 7. þingmaður Reykjavíkurkjördæmis suður.