Stuðningsmenn Breiðabliks gáfu Keflvíkingum orkudrykki fyrir laugardaginn

Breiðabik getur staðið uppi sem sigurvegari í Pepsi-deild karla á laugardaginn en til þess þarf allt að ganga upp í lokaumferðinni sem verður spiluð á laugardaginn.

Breiðabilk er fyrir lokaumferðina tveimur stigum á eftir toppliði Vals sem mætir botnliði Keflavíkur á heimavelli á meðan Blikar spila við KA.

Breiðablik þarf að vinna sinn leik og treysta á að Keflavík vinni topplið Vals á Hlíðarenda. Keflavík hefur ekki unnið leik í sumar og er með fjögur stig á botni deildarinnar.

Það er ljóst að Blikarnir ætla að leggja allt í sölurnar og einnig hjálpa Keflvíkingum því í dag komu stuðningsmenn Blika með birgðir af orkudrykknum Ripped til Keflvíkinga.

Hilmar Jökull, formaður stuðningsmannasveitar Breiðabliks, afhenti Hólmari Erni Rúnarssyni, einum reynslumesta miðjumanni Keflavíkur, kassann í dag.

Hvort að orkudrykkurinn hjálpi Keflvíkingum og Blikum á laugardaginn verður að koma í ljós en skemmtilegt er það að minnsta kosti.

Við viljum leggja okkar af mörkum fyrir laugardaginn. Kassi af Ripped, sponsored by @EgillGillz og Fitnesssport #itscominghome pic.twitter.com/64KMGB9XcD

— Kópacabana (@KopacabanaKp) September 27, 2018