Trix til að losna við blettaskalla og fela gráu hárin

Vala Matt fór í leiðangur á hárgreiðslustofur til þess að kynna sér hvernig hægt sé að redda sér heima og lita gráu hárin þegar þau byrja að koma í þættinum Ísland í dag á Stöð 2 í gærkvöldi.

Hún kannaði einnig hvernig hægt sé að hylja þunna hárbletti á karlmönnum og jafnvel blettaskalla. Á hárgreiðslustofunni Salon VEH í Húsi verslunarinnar sýndi Elsa Haraldsdóttir hárgreiðslumeistari hvernig má með ýmsum trixum hylja gráu hárin og einnig laga strípur með svokölluðum WOW hárskuggum í öllum litum.

Og hárgreiðslumeistarinn Simbi sýndi hvernig hvernig hann hylur sinn blettaskalla.

Vala skellti sér einnig á hárgreiðslustofuna Traffic í Holtagörðum þar sem hárgreiðslumeistarinn Auður Haraldsdóttir sýndi henni hvernig lengja má hárið og hárgreiðslumeistararnir Róbert Michael O´Neill og Birna Rán Magnúsdóttir fóru í gegnum það hvernig megi spreyja hársvörðinn til að fela gráu hárin bæði í dökku hári og ljósu.

Hér að neðan má sjá innslag Völu Matt.