Golfíþróttin fetar nýjar slóðir Kristinn Páll Teitsson skrifar 23. nóvember 2018 15:30 Það var létt yfir Tiger og Phil á blaðamannafundi í Las Vegas þar sem þeir svöruðu spurningum blaðamanna í aðdraganda hringsins. vísir/getty Klukkan 20.00 í kvöld munu Phil Mickelson og Tiger Woods, gömlu erkifjendurnir, brjóta blað í sögu golfíþróttarinnar. Þeir munu leika átján holur fyrir sérvalda gesti í Las Vegas og tekur sigurvegarinn heim með sér níu milljónir dollara að leikslokum. Er það meira en kylfingur fær fyrir að vinna öll fjögur risamót ársins og daðrar við upphæðina sem stigahæsti kylfingur ársins á PGA-mótaröðinni, FedEx-meistarinn, hlýtur í lok tímabilsins. Þá ætti þó ekki að vanta fyrir salti í grautinn enda eru þeir í efstu sætum peningalista PGA-mótaraðarinnar og hafa þeir unnið yfir tvö hundruð milljónir dollara undanfarin 25 ár. Þetta er í fyrsta sinn sem kylfingar í fremstu röð setja upp slíkt einvígi og hafa þeir tilkynnt að þeir muni hafa hljóðnema á sér til að áhorfandinn heima í stofu geti hlustað á hliðarveðmál þeirra á milli. Það hófst strax á fyrsta blaðamannafundi, Phil lagði hundrað þúsund dollara eða rúmlega 12 milljónir íslenskra króna undir að hann myndi fá fugl á fyrstu holu dagsins og Tiger var fljótur að tvöfalda það. Haukur Örn Birgisson, forseti Golfsambands Íslands, segir að það sé ekki einsdæmi að kylfingar mætist í einvígjum en að aðdráttaraflið sem þessi leikur hafi sé þó einsdæmi. „Það er ekki hægt að segja að þetta sé í fyrsta sinn sem kylfingar mætast í einvígi. Shell stóð fyrir einvígjum fyrir eitthvað um þrjátíu árum en það var ekkert í líkingu við þetta. Það er óhætt að segja að það sé einsdæmi í golfi að þetta sé gert með þessum hætti og með þessu verðlaunafé,“ segir Haukur og heldur áfram: „Verðlaunaféð er nálægt FedEx-stigameistaratitlinum sem þótti svakalegt á sínum tíma. Annar hvor kylfingurinn labbar heim með níu milljónir eftir átján holur. Þetta er skemmtileg leið til að vekja athygli á golfinu þó að þetta sé auðvitað litað af peningunum.“ Phil og Tiger hafa barist um stærstu titla heimsins í yfir tuttugu ár. „Þeir eru búnir að vera að berjast um titla síðan 1996 og það er mikil saga þarna að baki. Þó að það sé hægt að segja að þeir séu komnir af sínu besta skeiði þá unnu þeir báðir mót nýlega og þeir eru báðir ótrúlega góðir enn. Ef þetta tekst vel þá er aldrei að vita nema fremstu kylfingar heims fari að mætast í slíkum einvígjum á næstu árum.“ Sjálfur segist Haukur gera ráð fyrir að fylgjast með. „Ég fylgist eitthvað með þessu en get ekki verið alveg límdur yfir þessu enda ársþing GSÍ snemma daginn eftir,“ segir Haukur sem er ekki lengi að svara hver muni vinna mótið. „Tiger tekur þetta örugglega,“ sagði hann léttur að lokum en mótið verður sýnt á Golfstöðinni. Birtist í Fréttablaðinu Golf Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Víkingar spila á Íslandi í dagsbirtu Fótbolti Tekur með sér lifrarpylsu, grjónagraut og sviðasultu í bakgarðshlaupið Sport Aðeins einn löglegur dúkur svo Valur og FH byrja saman í Krikanum Handbolti „Ein besta markvarsla sem ég hef séð“ Fótbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira
Klukkan 20.00 í kvöld munu Phil Mickelson og Tiger Woods, gömlu erkifjendurnir, brjóta blað í sögu golfíþróttarinnar. Þeir munu leika átján holur fyrir sérvalda gesti í Las Vegas og tekur sigurvegarinn heim með sér níu milljónir dollara að leikslokum. Er það meira en kylfingur fær fyrir að vinna öll fjögur risamót ársins og daðrar við upphæðina sem stigahæsti kylfingur ársins á PGA-mótaröðinni, FedEx-meistarinn, hlýtur í lok tímabilsins. Þá ætti þó ekki að vanta fyrir salti í grautinn enda eru þeir í efstu sætum peningalista PGA-mótaraðarinnar og hafa þeir unnið yfir tvö hundruð milljónir dollara undanfarin 25 ár. Þetta er í fyrsta sinn sem kylfingar í fremstu röð setja upp slíkt einvígi og hafa þeir tilkynnt að þeir muni hafa hljóðnema á sér til að áhorfandinn heima í stofu geti hlustað á hliðarveðmál þeirra á milli. Það hófst strax á fyrsta blaðamannafundi, Phil lagði hundrað þúsund dollara eða rúmlega 12 milljónir íslenskra króna undir að hann myndi fá fugl á fyrstu holu dagsins og Tiger var fljótur að tvöfalda það. Haukur Örn Birgisson, forseti Golfsambands Íslands, segir að það sé ekki einsdæmi að kylfingar mætist í einvígjum en að aðdráttaraflið sem þessi leikur hafi sé þó einsdæmi. „Það er ekki hægt að segja að þetta sé í fyrsta sinn sem kylfingar mætast í einvígi. Shell stóð fyrir einvígjum fyrir eitthvað um þrjátíu árum en það var ekkert í líkingu við þetta. Það er óhætt að segja að það sé einsdæmi í golfi að þetta sé gert með þessum hætti og með þessu verðlaunafé,“ segir Haukur og heldur áfram: „Verðlaunaféð er nálægt FedEx-stigameistaratitlinum sem þótti svakalegt á sínum tíma. Annar hvor kylfingurinn labbar heim með níu milljónir eftir átján holur. Þetta er skemmtileg leið til að vekja athygli á golfinu þó að þetta sé auðvitað litað af peningunum.“ Phil og Tiger hafa barist um stærstu titla heimsins í yfir tuttugu ár. „Þeir eru búnir að vera að berjast um titla síðan 1996 og það er mikil saga þarna að baki. Þó að það sé hægt að segja að þeir séu komnir af sínu besta skeiði þá unnu þeir báðir mót nýlega og þeir eru báðir ótrúlega góðir enn. Ef þetta tekst vel þá er aldrei að vita nema fremstu kylfingar heims fari að mætast í slíkum einvígjum á næstu árum.“ Sjálfur segist Haukur gera ráð fyrir að fylgjast með. „Ég fylgist eitthvað með þessu en get ekki verið alveg límdur yfir þessu enda ársþing GSÍ snemma daginn eftir,“ segir Haukur sem er ekki lengi að svara hver muni vinna mótið. „Tiger tekur þetta örugglega,“ sagði hann léttur að lokum en mótið verður sýnt á Golfstöðinni.
Birtist í Fréttablaðinu Golf Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Víkingar spila á Íslandi í dagsbirtu Fótbolti Tekur með sér lifrarpylsu, grjónagraut og sviðasultu í bakgarðshlaupið Sport Aðeins einn löglegur dúkur svo Valur og FH byrja saman í Krikanum Handbolti „Ein besta markvarsla sem ég hef séð“ Fótbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira