Sophia Florsch er aðeins sautján ára gömul en hefur verð að gera góða hluti í þessum karlaheimi. Heimurinn hefur fylgst með fréttum af henni enda skilja fæstir hvernig hún komst lifandi af úr þessum svakalega árekstri. Það verður ótrúlegra í hvert skipti sem fólk sér myndbandið af árekstrinum.
Sophia lét aðdáendur sína vita um stöðuna á sér á samfélagsmiðlum en hún hafði þá vaknað aftur eftir ellefu klukkutíma aðgerð. Sophia Florsch hryggbrotnaði í slysinu en læknum tókst að forða henni frá lömun.
"Everything is working and everything is in order"
Sophia Florsch has had surgery lasting nearly ten hours after going airborne at around 171mph.
More details on a miracle escape in Formula 3
https://t.co/rbHXbucQhHpic.twitter.com/xCtXztLJGq
— BBC Sport (@BBCSport) November 19, 2018
„Ég þarf að eyða nokkrum dögum hér í Macau eða þangað til að það er óhætt að flytja mig,“ skrifaði Sophia Florsch inn á Fésbókinni.
Yfirmaður Van Amersfoort Racing liðsins sagði að aðgerðin hefði gengið mjög vel og það enginn óttist lengur lömun.
„Ég vil þakka öllum fyrir stuðninginn og hlýjar kveðjur. Nú mun ég leggjast yfir það að lesa þær,“ skrifaði Sophia.
„Allur þessi stuðningur gefur mér hugrekki og hjálpar mér að halda áfram. Hugur minn er líka hjá hinum sem slösuðust í árekstrinum. Ég vona að allir nái sér,“ skrifaði Sophia.
„Það var fullt af góðu fólki sem hjálpaði mér á slysstaðnum og þeim gleymi ég ekki. Ég vil þakka þeim fyrir hvetjandi og róandi orð þessar mínútur sem ég var föst í bílnum,“ skrifaði Sophia.
„Ég vil líka þakka læknaliðinu hér í Macau fyrir vinalega og fagmannlega meðferð,“ skrifaði Sophia en hún endar pistill sinn síðan á því að segja: „Ég mun koma aftur.“
Það má sjá pistil hennar hér fyrir neðan.
