Grasið nánast farið af Kópavogsvelli | Myndir

Einn besti grasvöllur landsins, Kópavogsvöllur, er nánast horfinn en framkvæmdir standa nú yfir á vellinum.

Ákveðið var síðasta sumar að setja gervigras á völlinn mörgum til armæðu. Völlurinn hefur verið með glæsilegri völlum landsins lengi en nú eru breyttir tímar.

Þetta eru sérstaklega erfiðir tímar hjá vallarstjóranum Magnúsi Vali Böðvarssyni sem hefur hugsað um grasið síðustu ár eins og barnið sitt.

Ég er ennþá að ímynda mér að það sé bara vera skipta um hitalagnir og setja nýtt undirlag og svo aftur gras  #fotboltinetpic.twitter.com/K00kZ2xGqv

— magnus bodvarsson (@zicknut) November 20, 2018

Ráðist var í framkvæmdirnar á vellinum um leið og síðasta tímabili lauk og þær virðast ganga ágætlega.

Eins og sést á þessum frábæru myndum Vilhelms Gunnarssonar þá stendur eftir varla einn þriðji af grasinu. Bráðum verður það allt farið.