UEFA fordæmir hegðun stuðningsmanna Inter harðlega

Evrópska knattspyrnusambandið, UEFA fordæmir hegðun stuðningsmanna Inter Milan er þeir framkvæmdu rasísk hljóð í garð Kalidou Koulibaly, varnarmanns Napoli í leik liðanna á dögunum.



FIFPro, hagsmunasamtök leikmanna og UEFA fordæma stuðningsmenn ítalska stórliðsins, en hrósa jafnframt ákvörðun forráðamanna ítölsku úrvalsdeildarinnar um að banna stuðningsmenn félagsins á næstu tveimur heimaleikjum.



Inter mun leika fyrir luktum dyrum næstu tvo heimaleiki sína, og þriðji heimaleikurinn mun fara fram fyrir luktum dyrum að hluta til.



Í sameiginlegri yfirlýsingu segir að rasismi á alls ekki heima í fótbolta.



Stjóri Chelsea og fyrrum þjálfari Napoli, Maurizio Sarri er meðal þeirra sem kalla eftir því að Ítalía tækli vandamálið sem rasismi er í fótbolta.



Þetta er ekki í fyrsta sinn sem rasismi finnst í ítölsku knattspyrnunni og er menn nú búnir að fá nóg.



Stuðningsmenn Inter framkvæmdu dýrahljóð á Koulibaly á meðan leik stóð en hann kemur frá Senegal.



Luciano Spaletti, þjálfari Inter segir að nú sé tíminn til þess að segja stopp við hatri í fótbolta, segja stopp við rasisma.