Innlit í kastala Dominic West og Catherine

Á YouTube-rásinni Architectural Digest má reglulega finna myndbönd þar sem þekkt fólk leyfir áhorfendum að kíkja í heimsókn og sjá heimili þeirra.

Í nýjasta þættinum má sjá innlit á heimili leikarans enska Dominic West en hann er helst þekktur fyrir hlutverk sín sem Jimmy McNulty í The Wire og sem Noah Solloway í The Affair.

West á einfaldlega kastala ásamt eiginkonu sinni Catherine og hefur hann fengið nafnið Glin Castle.

Um er að ræða kastala sem FitzGerald fjölskyldan byggði fyrir mörg hundruð árum.

Hér að neðan má sjá myndband af heimili þeirra hjóna á Írlandi.