Kristinn Ingi og Garðar skutu Val í undanúrslit

Valur tryggði sér sæti í undanúrslitum Reykjavíkurmótsins með 2-0 sigri á ÍR í Egilshöllinni fyrr í dag.

ÍR, sem féll úr Inkasso-deildinni á síðustu leiktíð, lenti 1-0 undir á 32. mínútu er hinn öskufljóti Kristinn Ingi Halldórsson kom Val yfir.

Það var svo átta mínútum fyrir leikslok er Garðar Bergmann Gunnlaugsson tvöfaldaði forystuna fyrir Valsmenn en Garðar gekk í raðir Vals í haust. Lokatölur 2-0.

Valsmenn fara því ásamt Fjölnismönnum upp úr A-riðlinum en KR og Fylkir fara áfram í hinum riðlinum. KR mætir Val og Fylkir mætir Fjölni í undanúrslitunum.

Markaskorarar og úrslit eru fengnir frá úrslit.net.