Katrín segir Kvenréttindafélagið og Samtökin ´78 óháð samtök Jakob Bjarnar skrifar 8. febrúar 2019 11:05 María Helga Guðmundsdóttir (t.v.) er formaður Samtakanna '78 og Fríða Rós Valdimarsdóttir (t.h.) er formaður stjórnar Kvenréttindafélagsins. Katrín segir markmið beggja samninga það að fela óháðum félagasamtökum, sem vinna gegn hvers kyns mismunun, verkefni er varða fræðslu, ráðgjöf og þjónustu við skjólstæðinga þeirra. Ríkisstjórnin virðist ekki gera sérstakan greinarmun á áróðri og fræðslu þegar svo ber undir. Eða, engin leið er að skilja svör forsætisráðherra á annan veg. „Markmið beggja samninga er að fela óháðum félagasamtökum, sem vinna gegn hvers kyns mismunun, verkefni er varða fræðslu, ráðgjöf og þjónustu við skjólstæðinga þeirra.“ Þetta segir í skriflegu svari sem Rósa Guðrún Erlingsdóttir sendi fyrir hönd Katrínar Jakobsdóttur forsætisráðherra við fyrirspurn Vísis. Á undanförnum dögum hefur forsætisráðuneytið undirritað þjónustusamninga við tvö hagsmunasamtök:Forsætisráðuneytið og Samtökin ´78, „hagsmuna- og baráttusamtök hinsegin fólks á Íslandi“, eins og segir í tilkynningu ráðuneytisins, hafa gert með sér samning um að samtökin sinni sértækri fræðslu, þjónustu og ráðgjöf er varða málefni hinsegin fólks. Og, ráðuneytið og Kvenréttindafélag Íslands hafa gert með sér samning um að félagið sinni fræðslu, námskeiðshaldi og upplýsingagjöf um jafnrétti kynjanna á innlendum og erlendum vettvangi.Hin óháðu baráttusamtök Í svari við spurningum Vísis segir að samningar „regnhlífarsamtaka íslensku kvennahreyfingarinnar, Kvenréttindafélags Íslands annars vegar og hins vegar Samtakanna ´78, hagsmuna og baráttusamtaka hinsegin fólks við stjórnvöld, sem hafa mörg undanfarin ár verið gerðir við velferðarráðuneytið eru nú gerðir við forsætisráðuneytið í kjölfar þess að stjórnarmálefnið jafnréttismál var flutt milli ráðuneyta í Stjórnarráði Íslands með forsetaúrskurði í desember sl.“Frá síðasta Kvennafrídeginum en samningar við Kvenréttindafélag Íslands um fræðslustarf grundvallast á lögum um jafna stöðu og jafnan rétt kvenna og karla.visir/vilhelmBæði Kvenréttindafélagið og Samtökin ´78 eru yfirlýst hagsmuna- og baráttusamtök; þannig skilgreina þau sig sjálf og berjast fyrir tilteknum málstað. Því er spurt: Á hvaða forsendum eru þessi samtök styrkt og þeim falið að annast fræðslu á þessum tilteknu málefnum?Eins og áður segir þá er, að sögn Katrínar, markmið beggja samninga er að „fela óháðum félagasamtökum, sem vinna gegn hvers kyns mismunun, verkefni er varða fræðslu, ráðgjöf og þjónustu við skjólstæðinga þeirra.“Um greinarmun á fræðslu og innrætingu Víst er að þessi tilteknu samtök hafa til að bera sérþekkingu á þeim málefnum sem þau hafa látið til sín taka. En, slíkt er eðli samtaka af þessu tagi. Er gerður greinarmunur á eðli samtaka af hálfu forsætisráðuneytisins; þau þá metin þóknanleg eða ekki að teknu tilliti til þess málstaðar þau berjast fyrir áður en tekin er ákvörðun um hvort þeim eru falin verkefni á sviði menntunar og fræðslu á vegum hins opinbera? Eða er um almennar leikreglur að ræða? Væri til dæmis hugsanlegt að forsætisráðuneytið tæki upp samning við Heimdall um að fræða fólk um frjálshyggju innan menntakerfisins? Í svari Katrínar er ekki tekin afstaða til þessarar spurningar sérstaklega eða með beinum hætti: „Samningarnir eru gerðir í samræmi við markmið laga nr. 10/2008 um jafna stöðu og jafnan rétt kvenna og karla og laga nr. 86/2018 um jafna meðferð á vinnumarkaði þar sem m.a. kveðið er á um að efla skuli fræðslu um jafnréttismál og vinna að jöfnum áhrifum einstaklinga í samfélaginu.“Ríkisstjórnin fagnar eins árs afmæli. Katrín vísar til stefnuyfirlýsingar vegna spurninga um hvort varasamt geti ekki reynst að blanda fræðslu og innrætingu saman,.fbl/BrinkEn, er enginn sérstakur greinarmunur gerður á fræðslu og svo innrætingu/áróðri þegar svo ber undir? Á sínum tíma var prestum úthýst úr skólum á nákvæmlega þeim forsendum. Verða þeir þó að heita sérfróðir um kristin fræði. Getur ekki einmitt reynst varasamt að blanda þessu saman? Er ekki verið að gefa hér fordæmi fyrir því að sá háttur verði hafður á framvegis, og það taki þá mið af því hvað ríkjandi stjórnvöld hvers tíma þykir ákjósanlegt að „fræða“ um?Rík áhersla ríkisstjórnarinnar á jafnréttismál Katrín vísar í svari sínu til sérstakra samninga við Kvenréttindafélag Íslands, þar sem kveðið er á um að félagið „skuli standa að námskeiðum fyrir konur, þar á meðal konur af erlendum uppruna, um efnahagsleg, félagsleg og menningarleg réttindi og einnig um borgaraleg og stjórnmálaleg réttindi, með það að markmiði að auka þátttöku allra kvenna í umræðu og starfi á opinberum vettvangi. Er hér vísað til skuldbindinga íslenskra stjórnvalda skv. alþjóðasamningi um afnám allrar mismununar gagnvart konum frá 1979 og framkvæmdaáætlunarinnar frá Peking frá 1995 sem leggur grunn að starfi aðildarríkja Sameinuðu þjóðanna á sviði jafnréttismála og kveða m.a. á um að aðildarríki skuli styðja við og eiga samráð við félagasamtök sem vinna að mannréttindafræðslu og miða að því að fólk fái notið réttinda sinna.“ Að endingu segir í svari Katrínar að ríkisstjórnin leggi í stefnuyfirlýsingu sinni ríka áherslu á jafnréttismál. „Og þar kemur jafnframt fram það markmið hennar að Ísland verði í fremstu röð hvað varðar málefni hinsegin fólks, m.a. þannig að stuðningur við samtökin verði sambærilegur því sem tíðkast gagnvart systursamtökum þeirra á hinum Norðurlöndunum.“ Óhætt er að segja að ágætlega hafi tekist til í þeim efnum en niðurstöður launagreiningar varðandi kynbundinn launamun í sjálfu forsætisráðuneytinu leiðir í ljós að konur þar eru með 4,3 prósentum hærri laun en karlar. Þetta kom fram í nýlegu svari forsætisráðherra við fyrirspurn Þorsteins Víglundssonar um jafnlaunavottun stjórnarráðsins. Jafnréttismál Stjórnsýsla Tengdar fréttir Samtökin ´78 fá 15 milljónir til að sinna fræðslu Forsætisráðuneytið og Samtökin ´78, hagsmuna- og baráttusamtök hinsegin fólks á Íslandi, hafa gert með sér samning um að samtökin sinni sértækri fræðslu, þjónustu og ráðgjöf er varða málefni hinsegin fólks. 7. febrúar 2019 13:25 Kvenréttindafélag Íslands fær 10 milljóna styrk frá ríkinu Forsætisráðuneytið og Kvenréttindafélag Íslands hafa gert með sér samning um að félagið sinni fræðslu, námskeiðshaldi og upplýsingagjöf um jafnrétti kynjanna á innlendum og erlendum vettvangi. 6. febrúar 2019 14:42 Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Í áfalli eftir að hafa fengið bréf frá árásarmanninum inn um lúguna Erlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Níu ára og með sitt eigið „Fannars bakarí“ í Njarðvík Ökumenn eigi að njóta en ekki þjóta á hættulegustu helgi ársins Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Rússnesk herflugvél mætt í Landeyjarnar Sjá meira
Ríkisstjórnin virðist ekki gera sérstakan greinarmun á áróðri og fræðslu þegar svo ber undir. Eða, engin leið er að skilja svör forsætisráðherra á annan veg. „Markmið beggja samninga er að fela óháðum félagasamtökum, sem vinna gegn hvers kyns mismunun, verkefni er varða fræðslu, ráðgjöf og þjónustu við skjólstæðinga þeirra.“ Þetta segir í skriflegu svari sem Rósa Guðrún Erlingsdóttir sendi fyrir hönd Katrínar Jakobsdóttur forsætisráðherra við fyrirspurn Vísis. Á undanförnum dögum hefur forsætisráðuneytið undirritað þjónustusamninga við tvö hagsmunasamtök:Forsætisráðuneytið og Samtökin ´78, „hagsmuna- og baráttusamtök hinsegin fólks á Íslandi“, eins og segir í tilkynningu ráðuneytisins, hafa gert með sér samning um að samtökin sinni sértækri fræðslu, þjónustu og ráðgjöf er varða málefni hinsegin fólks. Og, ráðuneytið og Kvenréttindafélag Íslands hafa gert með sér samning um að félagið sinni fræðslu, námskeiðshaldi og upplýsingagjöf um jafnrétti kynjanna á innlendum og erlendum vettvangi.Hin óháðu baráttusamtök Í svari við spurningum Vísis segir að samningar „regnhlífarsamtaka íslensku kvennahreyfingarinnar, Kvenréttindafélags Íslands annars vegar og hins vegar Samtakanna ´78, hagsmuna og baráttusamtaka hinsegin fólks við stjórnvöld, sem hafa mörg undanfarin ár verið gerðir við velferðarráðuneytið eru nú gerðir við forsætisráðuneytið í kjölfar þess að stjórnarmálefnið jafnréttismál var flutt milli ráðuneyta í Stjórnarráði Íslands með forsetaúrskurði í desember sl.“Frá síðasta Kvennafrídeginum en samningar við Kvenréttindafélag Íslands um fræðslustarf grundvallast á lögum um jafna stöðu og jafnan rétt kvenna og karla.visir/vilhelmBæði Kvenréttindafélagið og Samtökin ´78 eru yfirlýst hagsmuna- og baráttusamtök; þannig skilgreina þau sig sjálf og berjast fyrir tilteknum málstað. Því er spurt: Á hvaða forsendum eru þessi samtök styrkt og þeim falið að annast fræðslu á þessum tilteknu málefnum?Eins og áður segir þá er, að sögn Katrínar, markmið beggja samninga er að „fela óháðum félagasamtökum, sem vinna gegn hvers kyns mismunun, verkefni er varða fræðslu, ráðgjöf og þjónustu við skjólstæðinga þeirra.“Um greinarmun á fræðslu og innrætingu Víst er að þessi tilteknu samtök hafa til að bera sérþekkingu á þeim málefnum sem þau hafa látið til sín taka. En, slíkt er eðli samtaka af þessu tagi. Er gerður greinarmunur á eðli samtaka af hálfu forsætisráðuneytisins; þau þá metin þóknanleg eða ekki að teknu tilliti til þess málstaðar þau berjast fyrir áður en tekin er ákvörðun um hvort þeim eru falin verkefni á sviði menntunar og fræðslu á vegum hins opinbera? Eða er um almennar leikreglur að ræða? Væri til dæmis hugsanlegt að forsætisráðuneytið tæki upp samning við Heimdall um að fræða fólk um frjálshyggju innan menntakerfisins? Í svari Katrínar er ekki tekin afstaða til þessarar spurningar sérstaklega eða með beinum hætti: „Samningarnir eru gerðir í samræmi við markmið laga nr. 10/2008 um jafna stöðu og jafnan rétt kvenna og karla og laga nr. 86/2018 um jafna meðferð á vinnumarkaði þar sem m.a. kveðið er á um að efla skuli fræðslu um jafnréttismál og vinna að jöfnum áhrifum einstaklinga í samfélaginu.“Ríkisstjórnin fagnar eins árs afmæli. Katrín vísar til stefnuyfirlýsingar vegna spurninga um hvort varasamt geti ekki reynst að blanda fræðslu og innrætingu saman,.fbl/BrinkEn, er enginn sérstakur greinarmunur gerður á fræðslu og svo innrætingu/áróðri þegar svo ber undir? Á sínum tíma var prestum úthýst úr skólum á nákvæmlega þeim forsendum. Verða þeir þó að heita sérfróðir um kristin fræði. Getur ekki einmitt reynst varasamt að blanda þessu saman? Er ekki verið að gefa hér fordæmi fyrir því að sá háttur verði hafður á framvegis, og það taki þá mið af því hvað ríkjandi stjórnvöld hvers tíma þykir ákjósanlegt að „fræða“ um?Rík áhersla ríkisstjórnarinnar á jafnréttismál Katrín vísar í svari sínu til sérstakra samninga við Kvenréttindafélag Íslands, þar sem kveðið er á um að félagið „skuli standa að námskeiðum fyrir konur, þar á meðal konur af erlendum uppruna, um efnahagsleg, félagsleg og menningarleg réttindi og einnig um borgaraleg og stjórnmálaleg réttindi, með það að markmiði að auka þátttöku allra kvenna í umræðu og starfi á opinberum vettvangi. Er hér vísað til skuldbindinga íslenskra stjórnvalda skv. alþjóðasamningi um afnám allrar mismununar gagnvart konum frá 1979 og framkvæmdaáætlunarinnar frá Peking frá 1995 sem leggur grunn að starfi aðildarríkja Sameinuðu þjóðanna á sviði jafnréttismála og kveða m.a. á um að aðildarríki skuli styðja við og eiga samráð við félagasamtök sem vinna að mannréttindafræðslu og miða að því að fólk fái notið réttinda sinna.“ Að endingu segir í svari Katrínar að ríkisstjórnin leggi í stefnuyfirlýsingu sinni ríka áherslu á jafnréttismál. „Og þar kemur jafnframt fram það markmið hennar að Ísland verði í fremstu röð hvað varðar málefni hinsegin fólks, m.a. þannig að stuðningur við samtökin verði sambærilegur því sem tíðkast gagnvart systursamtökum þeirra á hinum Norðurlöndunum.“ Óhætt er að segja að ágætlega hafi tekist til í þeim efnum en niðurstöður launagreiningar varðandi kynbundinn launamun í sjálfu forsætisráðuneytinu leiðir í ljós að konur þar eru með 4,3 prósentum hærri laun en karlar. Þetta kom fram í nýlegu svari forsætisráðherra við fyrirspurn Þorsteins Víglundssonar um jafnlaunavottun stjórnarráðsins.
Jafnréttismál Stjórnsýsla Tengdar fréttir Samtökin ´78 fá 15 milljónir til að sinna fræðslu Forsætisráðuneytið og Samtökin ´78, hagsmuna- og baráttusamtök hinsegin fólks á Íslandi, hafa gert með sér samning um að samtökin sinni sértækri fræðslu, þjónustu og ráðgjöf er varða málefni hinsegin fólks. 7. febrúar 2019 13:25 Kvenréttindafélag Íslands fær 10 milljóna styrk frá ríkinu Forsætisráðuneytið og Kvenréttindafélag Íslands hafa gert með sér samning um að félagið sinni fræðslu, námskeiðshaldi og upplýsingagjöf um jafnrétti kynjanna á innlendum og erlendum vettvangi. 6. febrúar 2019 14:42 Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Í áfalli eftir að hafa fengið bréf frá árásarmanninum inn um lúguna Erlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Níu ára og með sitt eigið „Fannars bakarí“ í Njarðvík Ökumenn eigi að njóta en ekki þjóta á hættulegustu helgi ársins Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Rússnesk herflugvél mætt í Landeyjarnar Sjá meira
Samtökin ´78 fá 15 milljónir til að sinna fræðslu Forsætisráðuneytið og Samtökin ´78, hagsmuna- og baráttusamtök hinsegin fólks á Íslandi, hafa gert með sér samning um að samtökin sinni sértækri fræðslu, þjónustu og ráðgjöf er varða málefni hinsegin fólks. 7. febrúar 2019 13:25
Kvenréttindafélag Íslands fær 10 milljóna styrk frá ríkinu Forsætisráðuneytið og Kvenréttindafélag Íslands hafa gert með sér samning um að félagið sinni fræðslu, námskeiðshaldi og upplýsingagjöf um jafnrétti kynjanna á innlendum og erlendum vettvangi. 6. febrúar 2019 14:42