Tíu látnir í eldsvoða hjá Flamengo

Eldur kom upp í vistarverum unglingaliðs Flamengo í morgun með þeim afleiðingum að tíu eru látnir.

Eldurinn kom upp er allur voru í fastasvefni og eru nokkrir slasaðir.

Ekki hefur verið gefið upp hverjir hinir látnu eru en flestir sem gistu þarna eru leikmenn á aldrinum 14 til 17 ára.

Vinicius Junior, leikmaður Real Madrid og fyrrum leikmaður Flamengo, hefur tíst um málið en hann er alinn upp hjá félaginu og gisti í þessum svefnskálum þar sem eldurinn kom upp.

Hann biður fyrir fólki og er miður sín líkt og allir yfir þessum hörmulegu tíðindum.

Só de lembrar as noites e dias que passei no ct, é de arrepiar. Ainda sem acreditar, mas em oração por todos! Que Deus abençoe a família de cada um!  pic.twitter.com/RcBsdH3GME

— Vinicius Jr ⚡️ (@vini11Oficial) February 8, 2019

Flamengo er eitt stærsta félag Brasilíu og hefur alið upp leikmenn á borð við Ronaldinho, Bebeto og Romario.

Eins og sjá má á tístinu hér að neðan þá var eldsvoðinn mikill og aðkoman hræðileg.

Incêndio deixa dez mortos no Ninho do Urubu, centro de treinamento do Flamengo https://t.co/xLMVY6ieItpic.twitter.com/HKF5eFXGCk

— O Globo_Rio (@OGlobo_Rio) February 8, 2019