Sigur hjá Alfreð og félögum

Alfreð Finnbogason og félagar í Augsburg báru sigur úr býtum gegn Hannover eftir endurkomu á lokamínútunum í leiknum.

 

Alfreð var að sjálfsögðu á sínum stað í byrjunarliði Augsburg í dag. Það var Hendrik Weydandt sem kom Hannover yfir strax á áttundu mínútu og var staðan 1-0 í hálfleiknum.

 

Á 59. mínútu var Alfreð tekinn af velli eftir að hafa ekki náð sér nægilega vel á strik og inná fyrir hann kom Sergio Cordova. Það tók ekki Cordova langan tíma að setja mark sitt á leikinn en það gerði hann á 66. mínútu og jafnaði þar metin við Augsburg.

 

Það var síðan á 78. mínútu þar sem Augsburg náði forystunni en þá var það Jonathan Schmid sem skoraði. Andre Hahn batt síðan endahnútin á sigur Augsburg með marki á 86. mínútu.

 

Eftir leikinn er Augsburg í fjórtánda sæti deildarinnar með 25 stig.