Sjáðu mörkin sem skutu Liverpool á toppinn

Liverpool er með eins stigs forskot á toppi ensku úrvalsdeildarinnar eftir 3-1 sigur á Southampton á útivelli í gær.

Shane Long kom heimamönnum yfir á sjöttu mínútu en Naby Keita jafnaði metin fyrir leikhlé með sínu fyrsta marki fyrir þá rauðklæddu úr Bítlaborginni.

Það voru svo þeir Mo Salah og Jordan Henderson sem afgreiddu leikinn með tveimur skyndisóknum undir lokin. Lokatölur 3-1 og Liverpool á toppnum á meðan Southampton er í sextánda sætinu.

Mörkin úr leiknum má sjá hér að neðan.