Everton borgaði laun starfsfólks Bolton

Everton hefur greitt vikulaun starfsfólks Bolton Wanderers sem hefur ekki enn fengið greidd laun vegna fjárhagsvandræða félagsins.

Bolton var sett í greiðslustöðvun fyrr í þessum mánuði og starfsfólk félagsins hefur ekki fengið greidd laun í margar vikur.

Bolton féll úr ensku B-deildinni í vor og hefur væntanlega leik í C-deildinni meðan tólf stig í mínus á næsta tímabili. Vandræði Bolton eru svo mikil að það gaf einn leik í B-deildinni á tímabilinu vegna verkfalls leikmanna liðsins.

Bolton lék í ensku úrvalsdeildinni á árunum 2001-12 og náði á þeim tíma Evrópusæti og komst í úrslitaleik deildabikarsins.

Síðustu ár hefur hallað undan fæti hjá Bolton sem er í afar erfiðri stöðu í dag.