Pepsi Max-mörkin: Bjarni lét bekkinn hjá Víkingi hafa það óþvegið

Bjarna Guðjónssyni, aðstoðarþjálfara KR, var ansi heitt í hamsi í leik Víkings og KR um helgina og þurfti aðalþjálfari liðsins, Rúnar Kristinsson, að róa hann niður.

Bjarni snöggreiddist er leikmaður KR lá meiddur á vellinum og þeir spörkuðu boltanum út af. Víkingarnir voru lítið að spá í því heldur tóku innkast og reyndu að bruna í sókn.

Þorvaldur Örlygsson, sérfræðingur Pepsi Max-markanna, gaf lítið fyrir þessa reiði KR-inga enda væri það dómarinn sem ætti að stöðva leikinn en ekki Víkingar.

Sjá má upphlaup Bjarna og umræðuna hér að neðan.