Þetta eru fín kaflaskil í lífinu Kristinn Páll Teitsson skrifar 27. maí 2019 07:00 Freydís Halla, hér fremst sem fánaberi Íslands á Vetrarólympíuleikunum í Pyeonchang árið 2018 þar sem hún lenti í 41. sæti í svigi. Nordicphotos/getty Ein fremsta skíðakona landsins undanfarin ár, Freydís Halla Einarsdóttir, tilkynnti það á dögunum að keppnisskíðin væru á leiðinni á hilluna í bili þrátt fyrir að hún sé aðeins 24 ára gömul. Freydís fór sautján ára í fyrsta sinn á HM og vann sex alþjóðleg FIS-mót erlendis. Hún náði efst í 165. sæti heimslistans í svigi og varð sjö sinnum Íslandsmeistari á ferlinum. „Nei, samt er tilfinningin bara góð, ég er búin að hugsa þetta í vetur og komst að þessari niðurstöðu,“ segir Freydís hlæjandi þegar undirritaður ber undir hana að þetta sé enginn aldur til að hætta í afreksíþróttum. Freydís er komin heim eftir að hafa verið undanfarin ár við nám í Plymouth State-háskólanum í Bandaríkjunum þar sem hún lærði þjálfunar- og lífeðlisfræði (e. exercise physiology) ásamt því að æfa og keppa fyrir skíðalið skólans. Aðspurð segir Freydís að hún hafi verið að hugsa hvert næsta skref yrði eftir háskólanámið og tók hún ákvörðun um að leggja keppnisskíðin á hilluna í bili. „Þetta var engin skyndiákvörðun, ég er búin að hugsa vel um þetta. Ég vissi að þegar ég væri búin að útskrifast þá gæti ég ekki lengur verið að skíða og keppa fyrir háskólann eins og síðustu fjögur ár. Sá möguleiki sem ég hafði til að halda áfram var að flytja aftur til Íslands og vera með landsliðinu en því fylgir mikill kostnaður og ferðalög. Það er eitthvað sem ég hef gert áður og ég var ekki tilbúin að fara í það aftur og tók því þessa ákvörðun. Maður þarf að gefa sér mikinn tíma og afla penings til að halda áfram á hæsta stigi og ég hafði ekki áhuga á að halda því áfram að svo stöddu. Þetta eru fín kaflaskil í lífinu til að hefja eitthvað nýtt,“ segir Freydís sem er að skoða möguleikann á að fá vinnu vestanhafs. Freydís segist ekki vera búin að ákveða hvort hún bjóðist til að aðstoða Skíðasamband Íslands í ljósi menntunar sinnar og reynslu. „Ég er ekki búin að ákveða neitt en það er aldrei að vita. Ég mun halda áfram að skíða eitthvað sem áhugamaður og leika mér í fjallinu. Ég mun hjálpa til ef Skíðasambandið óskar eftir því að fá aðstoð en annars er ekkert komið á hreint,“ segir Freydís sem útilokar ekki að hún taki þátt í móti á Íslandi á næsta tímabili. „Það er aldrei að vita, ef mann er farið að klæja í að komast á skíði, nema ég taki þátt í móti á Íslandi en kannski verður enginn áhugi og ég fer sem áhorfandi,“ segir Freydís létt. Freydís á ekki erfitt með að svara hver hápunktur ferilsins sé. „Það eru Ólympíuleikarnir, það er eitt af því stærsta sem ég tek með mér úr ferlinum. Að hafa fengið að fara þangað til Suður-Kóreu og upplifa allt annað en ég þekkti áður ofan á að fá að keppa á stærsta sviði íþróttanna,“ segir Freydís sem var fánaberi á Vetrarólympíuleikunum í Pyeonchang. „Það var ofboðslegur heiður og mögnuð upplifun. Það er eitthvað sem ég mun alltaf muna eftir og taka með mér.“ Þá fór Freydís fjórum sinnum á HM og náði silfurverðlaunum á HM unglinga árið 2011. „Ég fékk silfur í mínum aldursflokki sem er skemmtilegt og eftirminnilegt. Sú sem vann, Petra Vlhová, er núna ein af bestu skíðakonum heims og það er gaman að hafa verið að berjast við hana á svona móti.“kristinnpall@frettabladid.is Birtist í Fréttablaðinu Mest lesið Tottenham leitar réttar síns eftir ákvörðun INEOS Enski boltinn ÍR áfram taplaust á toppnum eftir sigur í Breiðholtsslag Íslenski boltinn Guðlaugur Victor fær nýjan þjálfara Enski boltinn Tíu sem gætu stolið senunni á HM 2026 Fótbolti Áhugamannalið frá Nýja-Sjálandi mætir Bayern, Benfica og Boca Fótbolti Jón Gnarr heiðursgestur á Breiðholtsslag í fótbolta Íslenski boltinn Börnin vilja sjá þá sænsku blóðga Eriku Sport Þessar fara á EM fyrir hönd Íslands: Diljá og Amanda en engin Fanndís Fótbolti Litla systir Duplantis með besta árangur ársins Sport Íslandsmeistarinn getur orðið NBA meistari Körfubolti Fleiri fréttir Guðlaugur Victor fær nýjan þjálfara Tottenham leitar réttar síns eftir ákvörðun INEOS Tíu sem gætu stolið senunni á HM 2026 ÍR áfram taplaust á toppnum eftir sigur í Breiðholtsslag Áhugamannalið frá Nýja-Sjálandi mætir Bayern, Benfica og Boca Táningurinn sem sökkti Man Utd á leið frá Kaupmannahöfn IceBox í Kaplakrika Hin stórstjarna Celtics þurfti einnig að fara undir hnífinn Nú horfir Real Madríd til Argentínu í leit að undrabörnum Vilja að Mbeumo elti stjórann Jón Gnarr heiðursgestur á Breiðholtsslag í fótbolta Litla systir Duplantis með besta árangur ársins Börnin vilja sjá þá sænsku blóðga Eriku „Tók nokkur símtöl sem voru hundleiðinleg“ Svona kynnti Þorsteinn EM-hópinn sinn Þessar fara á EM fyrir hönd Íslands: Diljá og Amanda en engin Fanndís Veltir því fyrir sér hvort „24 klukkutíma reglan“ lifi af vistaskiptin Landsmeistari í sextánda sinn á ferlinum „Mamma! Segja áfram!“ Þrjár Guðmundsdætur í liði KR og Albert mætti Áhorfið minnkaði um 55 prósent eftir að Caitlin Clark meiddist Gamli liðsfélagi Arnars og Bjarka gæti bæst í þjálfarateymi Liverpool „Barcelona og Real Madrid hefðu rekið mig“ Milljarðamæringur réttir nítján ára íþróttakonu hjálparhönd Íslandsmeistarinn getur orðið NBA meistari Fer fyrst í frí en semur svo við Liverpool Þorði ekki í mikilvægan landsleik af ótta við stefnu Trumps Með lögregluna á hælum sér vegna manndrápstilraunar Dagskráin í dag: Erika berst við þá sænsku, úrslit NBA og US Open Spaun steig ekki feilspor en stór nöfn í brasi Sjá meira
Ein fremsta skíðakona landsins undanfarin ár, Freydís Halla Einarsdóttir, tilkynnti það á dögunum að keppnisskíðin væru á leiðinni á hilluna í bili þrátt fyrir að hún sé aðeins 24 ára gömul. Freydís fór sautján ára í fyrsta sinn á HM og vann sex alþjóðleg FIS-mót erlendis. Hún náði efst í 165. sæti heimslistans í svigi og varð sjö sinnum Íslandsmeistari á ferlinum. „Nei, samt er tilfinningin bara góð, ég er búin að hugsa þetta í vetur og komst að þessari niðurstöðu,“ segir Freydís hlæjandi þegar undirritaður ber undir hana að þetta sé enginn aldur til að hætta í afreksíþróttum. Freydís er komin heim eftir að hafa verið undanfarin ár við nám í Plymouth State-háskólanum í Bandaríkjunum þar sem hún lærði þjálfunar- og lífeðlisfræði (e. exercise physiology) ásamt því að æfa og keppa fyrir skíðalið skólans. Aðspurð segir Freydís að hún hafi verið að hugsa hvert næsta skref yrði eftir háskólanámið og tók hún ákvörðun um að leggja keppnisskíðin á hilluna í bili. „Þetta var engin skyndiákvörðun, ég er búin að hugsa vel um þetta. Ég vissi að þegar ég væri búin að útskrifast þá gæti ég ekki lengur verið að skíða og keppa fyrir háskólann eins og síðustu fjögur ár. Sá möguleiki sem ég hafði til að halda áfram var að flytja aftur til Íslands og vera með landsliðinu en því fylgir mikill kostnaður og ferðalög. Það er eitthvað sem ég hef gert áður og ég var ekki tilbúin að fara í það aftur og tók því þessa ákvörðun. Maður þarf að gefa sér mikinn tíma og afla penings til að halda áfram á hæsta stigi og ég hafði ekki áhuga á að halda því áfram að svo stöddu. Þetta eru fín kaflaskil í lífinu til að hefja eitthvað nýtt,“ segir Freydís sem er að skoða möguleikann á að fá vinnu vestanhafs. Freydís segist ekki vera búin að ákveða hvort hún bjóðist til að aðstoða Skíðasamband Íslands í ljósi menntunar sinnar og reynslu. „Ég er ekki búin að ákveða neitt en það er aldrei að vita. Ég mun halda áfram að skíða eitthvað sem áhugamaður og leika mér í fjallinu. Ég mun hjálpa til ef Skíðasambandið óskar eftir því að fá aðstoð en annars er ekkert komið á hreint,“ segir Freydís sem útilokar ekki að hún taki þátt í móti á Íslandi á næsta tímabili. „Það er aldrei að vita, ef mann er farið að klæja í að komast á skíði, nema ég taki þátt í móti á Íslandi en kannski verður enginn áhugi og ég fer sem áhorfandi,“ segir Freydís létt. Freydís á ekki erfitt með að svara hver hápunktur ferilsins sé. „Það eru Ólympíuleikarnir, það er eitt af því stærsta sem ég tek með mér úr ferlinum. Að hafa fengið að fara þangað til Suður-Kóreu og upplifa allt annað en ég þekkti áður ofan á að fá að keppa á stærsta sviði íþróttanna,“ segir Freydís sem var fánaberi á Vetrarólympíuleikunum í Pyeonchang. „Það var ofboðslegur heiður og mögnuð upplifun. Það er eitthvað sem ég mun alltaf muna eftir og taka með mér.“ Þá fór Freydís fjórum sinnum á HM og náði silfurverðlaunum á HM unglinga árið 2011. „Ég fékk silfur í mínum aldursflokki sem er skemmtilegt og eftirminnilegt. Sú sem vann, Petra Vlhová, er núna ein af bestu skíðakonum heims og það er gaman að hafa verið að berjast við hana á svona móti.“kristinnpall@frettabladid.is
Birtist í Fréttablaðinu Mest lesið Tottenham leitar réttar síns eftir ákvörðun INEOS Enski boltinn ÍR áfram taplaust á toppnum eftir sigur í Breiðholtsslag Íslenski boltinn Guðlaugur Victor fær nýjan þjálfara Enski boltinn Tíu sem gætu stolið senunni á HM 2026 Fótbolti Áhugamannalið frá Nýja-Sjálandi mætir Bayern, Benfica og Boca Fótbolti Jón Gnarr heiðursgestur á Breiðholtsslag í fótbolta Íslenski boltinn Börnin vilja sjá þá sænsku blóðga Eriku Sport Þessar fara á EM fyrir hönd Íslands: Diljá og Amanda en engin Fanndís Fótbolti Litla systir Duplantis með besta árangur ársins Sport Íslandsmeistarinn getur orðið NBA meistari Körfubolti Fleiri fréttir Guðlaugur Victor fær nýjan þjálfara Tottenham leitar réttar síns eftir ákvörðun INEOS Tíu sem gætu stolið senunni á HM 2026 ÍR áfram taplaust á toppnum eftir sigur í Breiðholtsslag Áhugamannalið frá Nýja-Sjálandi mætir Bayern, Benfica og Boca Táningurinn sem sökkti Man Utd á leið frá Kaupmannahöfn IceBox í Kaplakrika Hin stórstjarna Celtics þurfti einnig að fara undir hnífinn Nú horfir Real Madríd til Argentínu í leit að undrabörnum Vilja að Mbeumo elti stjórann Jón Gnarr heiðursgestur á Breiðholtsslag í fótbolta Litla systir Duplantis með besta árangur ársins Börnin vilja sjá þá sænsku blóðga Eriku „Tók nokkur símtöl sem voru hundleiðinleg“ Svona kynnti Þorsteinn EM-hópinn sinn Þessar fara á EM fyrir hönd Íslands: Diljá og Amanda en engin Fanndís Veltir því fyrir sér hvort „24 klukkutíma reglan“ lifi af vistaskiptin Landsmeistari í sextánda sinn á ferlinum „Mamma! Segja áfram!“ Þrjár Guðmundsdætur í liði KR og Albert mætti Áhorfið minnkaði um 55 prósent eftir að Caitlin Clark meiddist Gamli liðsfélagi Arnars og Bjarka gæti bæst í þjálfarateymi Liverpool „Barcelona og Real Madrid hefðu rekið mig“ Milljarðamæringur réttir nítján ára íþróttakonu hjálparhönd Íslandsmeistarinn getur orðið NBA meistari Fer fyrst í frí en semur svo við Liverpool Þorði ekki í mikilvægan landsleik af ótta við stefnu Trumps Með lögregluna á hælum sér vegna manndrápstilraunar Dagskráin í dag: Erika berst við þá sænsku, úrslit NBA og US Open Spaun steig ekki feilspor en stór nöfn í brasi Sjá meira