Sjötti sigur Hamilton staðreynd

Yfirburðir Lewis Hamilton í Formúlu 1 eru algjörir en hann vann í dag öruggan sigur í franska kappakstrinum. 

Mercedes menn geta verið ánægðir með dagsverkið því liðsfélagi Hamilton, Valtteri Bottas, varð annar á meðan Charles Leclerc á Ferrari varð þriðji.

Hamilton var á ráspól og var sigurinn aldrei í hættu en Bretinn hefur nú unnið sex af fyrstu átta keppnum tímabilsins og allar líkur á að hann muni verja heimsmeistaratitilinn.

Mercedes hefur sömuleiðis yfirburðastöðu í keppni framleiðenda enda hefur Bottas unnið keppnirnar tvær sem Hamilton tókst ekki að vinna.

Round 8 = DONE

A sixth win of 2019 for @LewisHamilton

And Sebastian Vettel takes the DHL Fastest Lap Award and bonus point#F1 #FrenchGP pic.twitter.com/fydEHSzoKX

— Formula 1 (@F1) June 23, 2019