Englandsmeistararnir skoruðu sex en fengu á sig eitt í næst síðasta æfingarleiknum

Manchester City lenti í engum vandræðum með Kitchee frá Hong Kong er liðin mættust í æfingarleik þar í landi í dag en lokatölur urðu 6-1 sigur City.

Pep Guardiola, stjóri Englandsmeistaranna, stillti upp sterku liði enda styttist í ensku deildina og verið að fínpússa liðð fyrir átökin sem hefjast þar með Samfélagsskildinum 4. ágúst.

Introducing your starting line up! 

XI | Bravo, Walker, Stones, Laporte, Angelino, Gundogan, Silva (C), De Bruyne, Sane, Bernardo, Sterling.

@HaysWorldwide

#mancity

WATCH: https://t.co/Zju7LsJdQrpic.twitter.com/VgmEAOUJae

— Manchester City (@ManCity) July 24, 2019

Það voru ekki liðnar nema þrettán mínútur er David Silva kom City yfir og fyrir hálfleik gerðu þeir Leroy Sane og Raheem Sterling sitt hvort markið.

Í síðari hálfleik bæti Sane við öðru marki sínu og fjórða marki á 55. mínútu áður en unglingurinn, Nabili Touaizi, skoraði á 80. mínútu eftir að hafa komið inn á sem varamaður skömmu áður.

Heimamenn í Kitchee náðu að minnka muninn fimm mínútum fyrir leikslok áður en annar táningur, Iker Pozo bætti við sjötta marki City og lokatölur 6-1.

City spilar einn leik í viðbót í æfingarferð sinni um Asíu en fyrsti alvöru leikur tímabilsins er svo 4. ágúst er liðið mætir Liverpool í Samfélagsskildinum.