Fyrsti ráspóll Verstappen

Ökuþórinn Max Verstappen er á ráspól í fyrsta skipti á ferlinum er hann byrjar fyrstur í ungverska kappakstrinum sem fer fram á morgun.

Red Bull-ökuþórinn kom 0,018 úr sekúndu á undan Valtteri Bottas frá Mercedes og heimsmeistarinn Lewis Hamilton er þriðji.

Þetta er fimmta tímabil Verstappen í Formúlu eitt en þetta er í fyrsta skiptið sem hann byrjar á ráspól. Fögnuðurinn var eftir því.

WHAT. A. MOMENT.

Max Verstappen secured his first pole position of his career

Cue the celebrations! #F1#HungarianGP  pic.twitter.com/R1gmKIyZ9K

— Formula 1 (@F1) August 3, 2019

Verstappen var 0,09 sekúndum á undan liðsfélaga sínum, Pierre Gasly, sem er sjötti svo það munaði ekki miklu í tímatökunni í dag.

Lando Norris og George Russel eru að keppa sinn fyrsta kappakstur og þeir gerðu afar vel í dag. Bretarnir byrja númer sjö og sextán á morgun.

Útsending frá keppninni hefst klukkan 12.50 á Stöð 2 Sport á morgun.