Fjárfestar svartsýnir eftir forkosningar í Argentínu Þórgnýr Einar Albertsson skrifar 14. ágúst 2019 08:30 Mauricio Macri gekk ekki vel í forkosningunum þar sem hann hlaut aðeins 32 prósent atkvæða. Nordicphotos/AFP Mauricio Macri, forseti Argentínu, hét því í fyrrinótt að hann myndi vinna Argentínumenn aftur á sitt band áður en forsetakosningar fara fram í landinu í október næstkomandi. Markaðir í landinu hafa tekið afar skarpa dýfu í vikunni eftir að Macri tapaði óvænt forkosningum með miklum mun. Forkosningarnar, hugsaðar til þess að útiloka frambjóðendur með lítið sem ekkert fylgi frá forsetakosningunum, gefa vísbendingar um hver sigurvegari forsetakosninganna verður. Macri fékk um 32 prósent atkvæða en perónistinn Alberto Fernández, forsetaefni vinstriflokksins UCD, fékk tæp 48 prósent atkvæða. Höggið á mörkuðum var mikið. Virði hlutabréfa í kauphöllinni í Buenos Aires hefur lækkað um nærri helming frá því á kjördag og þá hefur gengi argentínska pesósins sömuleiðis fallið töluvert gagnvart Bandaríkjadal. „Við munum sjá þetta smita út frá sér að einhverju leyti. En við skulum ekki láta hlaupa með okkur í gönur,“ sagði Andrea Ianelli, fjárfestingarstjóri hjá Fidelity International, við bandaríska miðilinn CNBC um málið í gær. Það var einkum reiði vegna efnahagsmála sem olli tapi Macris, samkvæmt stjórnmálaskýrendum. Niðurskurðaraðgerðir hans í efnahagskreppunni sem ríður yfir Argentínu og mikil verðbólga hafa fært þjóðina aftur til vinstri og á því græða Fernández og varaforsetaefni hans, fyrrverandi forsetinn Cristina de Kirchner. Samkvæmt Financial Times óttast fjárfestar að með kjöri Fernández myndi Kirchner í raun komast aftur til valda. Í stjórnartíð hennar varð Argentína, samkvæmt blaðamanni viðskiptaritsins, ósnertanleg í augum alþjóðlegra fjárfesta vegna tíðra afskipta stjórnvalda af einkageiranum. Þá hefur Fernández sjálfur sagst ætla að hætta að greiða af vöxtum skulda sem hvíla á seðlabankanum. Þykir það sömuleiðis áhyggjuefni fyrir fjárfesta, samkvæmt Financial Times. Kirchner á sömuleiðis fjölda hneykslismála að baki. Hún hefur verið ákærð fyrir meintan þátt sinn í ellefu spillingarmálum í gegnum tíðina en ekki verið sakfelld til þessa. Í embætti beitti hún sér í stórum jafnréttisbaráttu- og mannréttindamálum. Til að mynda var samkynja pörum leyft að giftast í forsetatíð hennar og ein ítarlegasta löggjöf heims um réttindi trans fólks var samþykkt. Argentína Birtist í Fréttablaðinu Mest lesið Segja falda launauppbót hjá níu af hverjum tíu stofnunum ríkisins Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Davíð Ernir til liðs við Athygli Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Einn stofnenda Play og Leifur í framkvæmdastjórn Icelandair Viðskipti innlent Einar rýfur þögnina: Vísar kenningum um fléttu á bug Viðskipti innlent Netvís tekur við af SAFT Viðskipti innlent Fleiri fréttir Rúmlega þriðjungs samdráttur í olíuvinnslu í Rússlandi Burger King opnar fyrsta staðinn á Grænlandi Eigandinn hættir sem forstjóri Trump setur tolla á lyf, vörubíla og húsgögn Murdoch-feðgar verði meðal kaupenda TikTok Ben kveður Jerry Nálgast samkomulag um TikTok Breytingar hjá Microsoft koma fyrirtækinu hjá sektum Ellison klórar í hælana á Musk Danski lyfjarisinn að baki Ozempic segir upp þúsundum manna Útvaldi sonurinn tryggir sér stjórn Murdoch-veldisins Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Sjá meira
Mauricio Macri, forseti Argentínu, hét því í fyrrinótt að hann myndi vinna Argentínumenn aftur á sitt band áður en forsetakosningar fara fram í landinu í október næstkomandi. Markaðir í landinu hafa tekið afar skarpa dýfu í vikunni eftir að Macri tapaði óvænt forkosningum með miklum mun. Forkosningarnar, hugsaðar til þess að útiloka frambjóðendur með lítið sem ekkert fylgi frá forsetakosningunum, gefa vísbendingar um hver sigurvegari forsetakosninganna verður. Macri fékk um 32 prósent atkvæða en perónistinn Alberto Fernández, forsetaefni vinstriflokksins UCD, fékk tæp 48 prósent atkvæða. Höggið á mörkuðum var mikið. Virði hlutabréfa í kauphöllinni í Buenos Aires hefur lækkað um nærri helming frá því á kjördag og þá hefur gengi argentínska pesósins sömuleiðis fallið töluvert gagnvart Bandaríkjadal. „Við munum sjá þetta smita út frá sér að einhverju leyti. En við skulum ekki láta hlaupa með okkur í gönur,“ sagði Andrea Ianelli, fjárfestingarstjóri hjá Fidelity International, við bandaríska miðilinn CNBC um málið í gær. Það var einkum reiði vegna efnahagsmála sem olli tapi Macris, samkvæmt stjórnmálaskýrendum. Niðurskurðaraðgerðir hans í efnahagskreppunni sem ríður yfir Argentínu og mikil verðbólga hafa fært þjóðina aftur til vinstri og á því græða Fernández og varaforsetaefni hans, fyrrverandi forsetinn Cristina de Kirchner. Samkvæmt Financial Times óttast fjárfestar að með kjöri Fernández myndi Kirchner í raun komast aftur til valda. Í stjórnartíð hennar varð Argentína, samkvæmt blaðamanni viðskiptaritsins, ósnertanleg í augum alþjóðlegra fjárfesta vegna tíðra afskipta stjórnvalda af einkageiranum. Þá hefur Fernández sjálfur sagst ætla að hætta að greiða af vöxtum skulda sem hvíla á seðlabankanum. Þykir það sömuleiðis áhyggjuefni fyrir fjárfesta, samkvæmt Financial Times. Kirchner á sömuleiðis fjölda hneykslismála að baki. Hún hefur verið ákærð fyrir meintan þátt sinn í ellefu spillingarmálum í gegnum tíðina en ekki verið sakfelld til þessa. Í embætti beitti hún sér í stórum jafnréttisbaráttu- og mannréttindamálum. Til að mynda var samkynja pörum leyft að giftast í forsetatíð hennar og ein ítarlegasta löggjöf heims um réttindi trans fólks var samþykkt.
Argentína Birtist í Fréttablaðinu Mest lesið Segja falda launauppbót hjá níu af hverjum tíu stofnunum ríkisins Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Davíð Ernir til liðs við Athygli Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Einn stofnenda Play og Leifur í framkvæmdastjórn Icelandair Viðskipti innlent Einar rýfur þögnina: Vísar kenningum um fléttu á bug Viðskipti innlent Netvís tekur við af SAFT Viðskipti innlent Fleiri fréttir Rúmlega þriðjungs samdráttur í olíuvinnslu í Rússlandi Burger King opnar fyrsta staðinn á Grænlandi Eigandinn hættir sem forstjóri Trump setur tolla á lyf, vörubíla og húsgögn Murdoch-feðgar verði meðal kaupenda TikTok Ben kveður Jerry Nálgast samkomulag um TikTok Breytingar hjá Microsoft koma fyrirtækinu hjá sektum Ellison klórar í hælana á Musk Danski lyfjarisinn að baki Ozempic segir upp þúsundum manna Útvaldi sonurinn tryggir sér stjórn Murdoch-veldisins Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Sjá meira