Fullt út úr dyrum í Val­höll

Fullt er út úr dyrum í Valhöll en klukkan ellefu hófst þar fundur þar sem Bjarni Benediktsson, formaður Sjálfstæðisflokksins, ræðir stjórnmálaviðhorfið og situr hann ásamt öðrum þingmönnum fyrir svörum.

Talsverð eftirvænting var hjá flokksmönnum þegar fundurinn hófst en líklegt er að þriðji orkupakkinn verði ræddur á fundinum þó að hann hafi ekki verið efndur sérstaklega til þeirrar umræðu. Hópur flokksmanna hefur efnt til undirskriftasöfnunar um atkvæðagreiðslu meðal flokksbundinna sjálfstæðismanna þar sem fólk er hvatt til að kjósa um þriðja orkupakkann.

Ekki er sæti fyrir alla fundargesti á fundinum og mun fundurinn líklega standa nokkuð lengi. Hann er hluti af fundaröð þingflokks Sjálfstæðisflokksins, sem fór hringinn í kring um landið fyrr á árinu.