Stoltust af því hver hún er í dag

Miss Universe Iceland 2019 fer fram í Hljómahöllinni í Reykjanesbæ 31. ágúst og verður keppnin í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe en ekki hefur verið staðfest hvar eða hvenær sú keppni fer fram.

Grindvíkingurinn Tinna Björk Stefánsdóttir er á meðal keppenda. Tinna  lifir heilbrigðum lífstíl og elskar að fara í jógatíma og í ræktina. Tinna elskar hundana sína útaf lífinu og eyðir miklum tíma í návist fjölskyldu og vina. Tinna segir að hún sé jarðbundin og elskar að kynnast nýju fólki.  Tinna segir að jákvæð líkamsímynd sé mikilvæg og vill breiða þeim boðskap til ungs fólks. Uppáhalds tilvitnun Tinnu er, snarað yfir á íslensku, „Fyrir mér snýst fegurð um að líða vel í eigin skinni. Fegurð snýst um að taka sér eins og maður er.“ Lífið náði tali af Tinnu:

Morgunmaturinn?

Fæ mér alltaf hafra,möndlumjólk, banana, rúsínur og súkkulaði prótein

Helsta freistingin?

Ísköld kók í dós

Hvað ertu að hlusta á?

Byrja alltaf daginn á því að hlusta á tónlist og get hlustað á flest en spænsk tónlist er frekar ofarlega á lista hjá mér.

Hvað sástu síðast í bíó?

Aladdin með Miss Universe Iceland keppendunum

Hvaða bók er á náttborðinu?

Engin, er meira að vafra á netinu.

Hver er þín fyrirmynd?

Móðir mín, Ellen Degeneres og Jennifer Lopez

Hvað ætlarðu að gera í sumarfríinu?

Sumarfríið mitt fer í æfingar og undirbúning fyrir Miss Universe Iceland keppnina.

Uppáhaldsmatur?

Humar og nautakjöt

Uppáhaldsdrykkur?

Coca Cola

Hver er frægasta persóna sem þú hefur hitt?

Hef hitt nokkra fræga einstaklinga en Sir John stendur alltaf uppúr!

Hvað hræðistu mest?

Kakkalakkar og köngulær.



Neyðarlegasta atvik sem þú hefur lent í?

Er alltaf að lenda í einhverju og er hætt að finnast það vandræðalegt.

Hverju ertu stoltust af?

Hver ég er í dag.

Hefurðu einhvern leyndan hæfileika?

Já get hrist augun

Hundar eða kettir?

Eru hundar ekki bestu vinir mannsins?

Hvað er það leiðinlegasta sem þú gerir?

Þrífa bílinn

En það skemmtilegasta?

Vera í góðum félagsskap, hafa gaman og njóta lífsins!

Hverju vonastu til að Miss Universe skili þér?

Vera sterk fyrirmynd fyrir yngri kynslóðina og vera mun sterkari útgáfa af sjálfum mér.

Hvar sérðu þig eftir 5 ár?

Erfitt að segja margt getur breyst en sé mig hamingjusama sem er búin að upplifa fullt af skemmtilegum og lærdómsríkum hlutum sem ég get nýtt mér í framtíðinni og hafa mótað mig í að verða besta útgáfan af sjálfri mér.

Lífið kynnir þessa dagana keppendur til leiks í Miss Universe Iceland 2019. Keppnin fer fram í Hljómahöllinni í Reykjanesbæ 31. ágúst og verður í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe.

Hér fyrir neðan má taka þátt í kosningunni Val fólksins.