Fyrsti sigur Portúgal kom gegn Serbum

Portúgal náði í sinn fyrsta sigur í undankeppni EM 2020 þegar liðið hafði betur gegn Serbíu ytra í kvöld.

Eftir tvö jafntefli í fyrstu tveimur leikjum sínum í B-riðli kom sigurinn loks hjá Portúgölum.

William Carvalho braut ísinn undir lok fyrri hálfleiks og Goncalo Guedes tvöfaldaði forystu Portúgal etir tæplega klkukkutíma leik.

Heimamenn náðu að klóra í bakkann en Cristiano Ronaldo gerði þriðja mark Portúgals á 80. mínútu eftir frábæra stungusendingu Bernardo Silva.

Aftur minnkuðu heimamenn muninn, Aleksandar Mitrovic skoraði með föstu skoti í samskeytin á 85. mínútu og hélt von Serba um stig á lífi.

Sú von lifði þó ekki lengi því mínútu eftir mark Mitrovic skoraði Bernardo Silva og tryggði Portúgal 4-2 sigur.