Tru­deau biðst af­­sökunar á mynd frá há­­skóla­árunum

Justin Trudeau forsætisráðherra Kanada hefur beðist afsökunar á því að hafa á háskólaárum sínum komið fram í gerfi Aladíns og litað sig dökkan í framan.

Time tímaritið birti mynd af Trudeau í grímubúningnum á dögunum og í kjölfarið hafa fjölmargir gagnrýnt dómgreind ráðherrans harðlega og segja að hann hefði átt að vita betur, jafnvel á þeim tíma, en myndin er tekin árið 2001.

Trudeau er í miðri kosningabaráttu og málið þykir vandræðalegt fyrir hann.

Trudeau hefur beðist afsökunar en hann segist ekki hafa áttað sig á því á þeim tíma að gjörningurinn væri rasískur. Hann viti betur í dag og því sjái hann eftir uppátækinu.

Kosningar fara fram í Kanada þann 21. október næstkomandi.