PewDiePie deilir brúðkaupsferðinni með fylgjendum sínum

Felix Kjellberg, sem er betur þekktur sem PewDiePie, og Marzia Kjellberg gengu í það heilaga í London í lok ágúst.

Þau hafa verið í sambandi í átta ár en PewDiePie er ein allra vinsælasta YouTube stjarna heims með yfir hundrað milljónir fylgjenda.

Töluvert var fjallað um brúðkaupið í erlendum miðlum.

PewDiePie birti á dögunum myndband á YouTube síðu sinni þar sem hann sýnir ítarlega frá brúðkaupsferðinni og fór greinilega vel um hjónin á ferðalaginu.

Meðal annars fóru þau á brimbretti á Balí og dvöldu þau aðeins á lúxushótelum. Hjónin skoðuðu eyjuna vel eins og sjá má hér að neðan.