Hundar í búningum á bandaríska þinginu

Þrátt fyrir að það andi jafnan nístingsköldu á milli Demókrata og Repúblikana á bandaríska þinginu þessa dagana gátu starfsmenn þingsins skemmt sér vel á hrekkjavöku.

Hundar bæði starfsmanna og þingmanna fengu þá að flakka um ganga skrifstofuhúsnæðisins sem kennt er við fyrrverandi öldungadeildarþingmanninn Everett Dirksen.

„Tillis öldungadeildarþingmaður elskar hunda og hann vill gjarnan sameina fólk úr báðum flokkum. Allir elska hunda og eru sammála um að þeir eru sætir og skemmtilegir í grímubúningum,“ sagði Lexie Hosier, starfsmaður Repúblikanans og öldungadeildarþingmannsins Thoms Tillis.