Þín besta uppskrift gæti unnið fyrir þig – taktu þátt í leiknum

Deildu þinni bestu smákökuuppskrift og þú gætir unnið vænan gjafapoka fullan af bökunarvörum frá Sælgætisgerðinni Góu. Hjördís Dögg hjá mömmur.is gefur hér uppskrift að ómótstæðilegum Sörum með Bingókúlukremi. Hjördís er einnig dómari á uppskriftirnar í leiknum.

Hjördís Dögg byrjar tímanlega að undirbúa jólin með smákökubakstri og öðru góðgæti en henni finnst tilheyrandi á aðventunni að bjóða upp á nýbakaðar smákökur og heitt súkkulaði. 

Hún er dugleg að prófa sig áfram með baksturinn og datt niður á einstaka Söruuppskrift í einni af tilraunum sínum um daginn. Hún hvetur áhugasama um Sörubakstur að prófa.

En hvaða nýjung skyldi það vera sem henni datt í hug að gera í þessari uppskrift?

 

 

„Ég skipti einfaldlega möndlumjöli út fyrir fínmulið Kornflex ásamt því að bæta lakkrískurli saman við. Mér finnst þetta gefa sörubotnunum mjög gott bragð.“ „En svo datt mér líka í hug að prófa að bræða Góu Bingókúlur og Lindu suðusúkkulaði og blanda saman við kremið. Það kom ótrúlega vel út og áferðin á kreminu varð silkimjúk,“ segir Hjördís.

„Ég baka mikið og finnst spennandi að prófa mig áfram í bakstrinum. Ég geri því ýmsar tilraunir í þeim tilgangi að ná fram sérstöku og góðu bragði. Ég hef góða reynslu af vörunum frá Sælgætisgerðinni Góu en þær hafa spilað stórt hlutverk í tilraunastarfseminni. Þær eru í miklu uppáhaldi hjá mér enda finnst mér þær virkilega bragðgóðar.“

Margir eru hálfsmeykir við að baka Sörur og þá getum við glatt með því að Hjördís er meira en fús til að deila Söru-uppskriftinni sinni hér. Það sem er kannski merkilegast við þessa uppskrift er hvað hún er einföld og auðveld að fara eftir, enda er Hjördís þaulvön að kenna fólki hvernig á að bera sig að í bakstrinum.

Flestir sem baka eiga sína uppáhalds smákökukuppskrift sem fjölskyldan elskar. Ef þú ert til í að deila þinni uppáhaldsuppskrift með öðrum gætir þú unnið glæsilegan gjafapoka troðinn af bökunarvörum frá Sælgætisgerðinni Góu en þar á meðal eru vörumerkin Linda og Appollo.

Uppskriftina má setja inn á hlekkinn hér fyrir neðan. Dómari í smákökukeppninni er að sjálfsögðu Hjördís Dögg hjá mömmur.is. Góa áskilur sér rétt til þess að birta einhverjar uppskriftanna síðar. Dregið verður út 2. desember.

Þessi kynning er unnin í samstarfi við Sælgætisgerðina Góu.