Manchester United tapaði 2-0 fyrir botnliði Watford á útivelli í dag er liðið mættust í 18. umferð ensku úrvalsdeildarinnar.
United voru sterkari í fyrri hálfleik og besta færi fyrri hálfleiksins fékk Jesse Lingard er hann slapp einn í gegn. Hann ákvað að reyna vippa boltanum yfir Ben Foster en vippaði boltanum einnig yfir markið.
Jesse Lingard has gone over 25 hours without a goal or assist in the Premier League.
— Match of the Day (@BBCMOTD) December 22, 2019
https://t.co/JcozejvQz2#WATMUN#bbcfootballpic.twitter.com/DHvvfFDcSC
Staðan var markalaus í hálfleik en eftir níu mínútur í síðari hálfleik voru heimamenn komnir í 2-0. Fyrra markið skoraði Ismaila Sarr en skot hans rataði í netið eftir hörmuleg mistök David de Gea.
Á 54. mínútu tvöfaldaði Troy Deene forystuna af vítapunktinum en heimamenn fengu vítaspyrnu eftir að Aaron Wan-Bissaka braut á markaskoraranum Ismaila Sarr.
United reyndi allt hvað þeir gátu til þess að minnka muninn. Þeir sendu meðal annars Paul Pogba á völlinn í fyrsta skipti síðan í lok september en allt kom fyrir ekki og vandræðalegt tap United.
36% - Under Ole Gunnar Solskjear, Man Utd have won 73% (8/11) of the @premierleague games in which they have had less possession than their opponents, compared to just 36% (10/28) when they’ve enjoyed more – including just 1 of their last 17 such matches. Interesting. #WATMUNpic.twitter.com/rpJeqw7VCQ
— OptaJoe (@OptaJoe) December 22, 2019
United er í 8. sæti deildarinnar með 25 stig, fjórum stigum frá Chelsea sem er í fjórða sætinu, en Watford er þó áfram á botninum með tólf stig. Nú sex stigum frá öruggu sæti.
