Tólf mánaða fangelsi fyrir lífshættulega árás á sautján ára stúlku Kolbeinn Tumi Daðason skrifar 14. apríl 2020 16:52 Frá því þegar karlmaðurinn var leiddur fyrir dómara við kröfuna um gæsluvarðhald. Vísir/FrikkiÞór 21 árs karlmaður hefur verið dæmdur í tólf mánaða fangelsi fyrir hótanir í garð barnsmóður sinnar annars vegar og afar grófar líkamsárásir á fyrrverandi kærustu hins vegar. Var hann dæmdur til að greiða kærustunni fyrrverandi 1,7 milljónir króna í miskabætur og barnsmóður sinni 200 þúsund krónur. Dómur var kveðinn upp í Héraðsdómi Reykjavíkur þann 12. mars en ekki birtur fyrr en nú. Karlmaðurinn hefur þegar afplánað hálfan dóminn í gæsluvarðhaldi og er laus úr fangelsi á skilorði samkvæmt heimildum fréttastofu. Nokkuð hefur verið fjallað um málið en ungi karlmaðurinn hefur setið í gæsluvarðhaldi síðan í október vegna líkamsárásarinnar á fyrrverandi kærustu sína, sem var sautján ára, í miðbæ Reykjavík. Blóðug við Geirsgötu Lögreglu barst í gegnum Neyðarlínuna um blóðuga manneskju við Geirsgötu skammt frá Kolaportinu umrædda nótt. Þar hafi karlmaðurinn verið blóðugur í framan og skólaus, sitjandi yfir stúlku sem hafi verið í sjáanlega miklu uppnámi og mjög blóðug í framan. Við nánari skoðun kom í ljós að hægra augað á stúlkunni var svo mikið bólgið að hún gat ekki opnað það. Héraðsdómur ReykjavíkurFoto: Vilhelm Gunnarsson/Vilhelm Gunnarsson Héraðsdómur og Landsréttur voru ekki sammála um hvort samþykkja ætti gæsluvarðhaldskröfu yfir karlmanninum á grundvelli almannahagsmuna. Fór svo að Landsréttur samþykkti kröfuna og hefur karlmaðurinn setið inni síðan. Hann játaði líkamsárásina en í ákæru segir að hann hafi veist með ofbeldi að kærustunni fyrrverandi og veitt henni ítrekuð högg og spörk sem sérstaklega beindust að höfði en einnig búk, ásamt því að rífa í hár hennar, taka hana hálstaki og þrengja að öndunarvegi sem var til þess fallið setja hana í lífshættu. Fyrri líkamsárás Afleiðingarnar voru þær að stúlkan hlaut augntóftargólfsbrot báðum megin, nefbeinsbrot, opið sár á höfði, mar og marga yfirborðsáverka á höfuð, mar á háls, slímhúðar og punktalaga blæðingar í munnslímhúð, yfirborðssár í hársvörð og marga yfirborðsáverka og maráverka víðsvegar um líkamann. Þá játaði hann sömuleiðis að hafa slegið kærustuna fyrrverandi rúmum mánuði fyrr en bar fyrir sig að hafa verið að verjast spörkum og höggum hennar. Héraðsdómur taldi framburð hans ótrúverðugan og dæmdi hann fyrir þá árás sömuleiðis. Framburður beggja um bílferðina í Heiðmörk þótti trúverðugur og taldi dómurinn ósannað að maðurinn hefði brotið með ofbeldi gegn barnsmóður sinni í bílferðina.Vísir/Vilhelm Karlmaðurinn var einnig ákærður fyrir ofbeldi gagnvart barnsmóður sinni og fyrrverandi kærust í júlí í fyrra. Höfðu þau ætlað í bíó en orðið ósætti þegar í ljós kom að hún væri á Tinder. Var hætt við bíóferðina og ekið upp í Heiðmörk. Hótanir um nauðgun Játaði karlmaðurinn að hafa hraunað yfir kærustu sína og sparkað símanum hennar út fyrir veginn. Hann neitaði ásökunum um að hafa lagt hendur á hana eins og hún hélt fram. Þótti framburður hennar of almennur, framburður beggja trúverðugur og ekki fullnægjandi sönnun um ofbeldi karlmannsins þar sem stóð orð gegn orði. Hins vegar játaði hann að hafa sent skilaboð á Snapchat. 1. Ég lem þig í stöppu. 2. Ég tek þig og kem þig í klessu og nauðga þér þegar ég kem. 3. Þu gerir sjalfri þer bara illt verra með þessu [...], Ekki gera mig reiðan, Afþvi ég verð reipur þangad til ég sé þig og þa sleppi ég henni ut á þig. Játning og ungur aldur til refsimildunar Við ákvörðun Héraðsdóms Reykjavíkur um refsingu var litið til þess að brot karlmannsins beindust gegn heilsu og velferð tveggja ungra stúlkna og höfðu afleiðingar fyrir líðan þeirra og velferð. Þá hefði hann notfært sér traust sem stúlkurnar báru til hans. Varðandi líkamsárásina í miðbæ Reykjavíkur þá hafi hún verið einstaklega gróf og bera vott um algjört skeytingarleysi gagnvart lífi stúlkunnar. Til refsimildunar var litið til ungs aldurs, hann var um tvítugt þegar hann framdi framangreind brot, og játningar hans í tilfelli líkamsárásarinnar. Þótt tólf mánaða fangelsisvist hæfileg refsing og ekki tilefni til að skilorðsbinda refsinguna. Til frádráttar telst nær óslitið gæsluvarðhald frá 19. október. Dómsmál Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Arnar Þór á leið í nýjan flokk Innlent Mamma bara María þegar mæðgurnar eru saman á vakt Innlent Senda svifsprengjur fyrir F-16 Erlent Diddy á sjálfsmorðsvakt Erlent „Spurðu svo fyrirtækið þitt af hverju það leggur fé í heimsendakölt“ Innlent Anton Sveinn McKee til liðs við Miðflokkinn Innlent Önnur vopnageymsla í ljósum logum í Rússlandi Erlent Fleiri fréttir Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Sjá meira
21 árs karlmaður hefur verið dæmdur í tólf mánaða fangelsi fyrir hótanir í garð barnsmóður sinnar annars vegar og afar grófar líkamsárásir á fyrrverandi kærustu hins vegar. Var hann dæmdur til að greiða kærustunni fyrrverandi 1,7 milljónir króna í miskabætur og barnsmóður sinni 200 þúsund krónur. Dómur var kveðinn upp í Héraðsdómi Reykjavíkur þann 12. mars en ekki birtur fyrr en nú. Karlmaðurinn hefur þegar afplánað hálfan dóminn í gæsluvarðhaldi og er laus úr fangelsi á skilorði samkvæmt heimildum fréttastofu. Nokkuð hefur verið fjallað um málið en ungi karlmaðurinn hefur setið í gæsluvarðhaldi síðan í október vegna líkamsárásarinnar á fyrrverandi kærustu sína, sem var sautján ára, í miðbæ Reykjavík. Blóðug við Geirsgötu Lögreglu barst í gegnum Neyðarlínuna um blóðuga manneskju við Geirsgötu skammt frá Kolaportinu umrædda nótt. Þar hafi karlmaðurinn verið blóðugur í framan og skólaus, sitjandi yfir stúlku sem hafi verið í sjáanlega miklu uppnámi og mjög blóðug í framan. Við nánari skoðun kom í ljós að hægra augað á stúlkunni var svo mikið bólgið að hún gat ekki opnað það. Héraðsdómur ReykjavíkurFoto: Vilhelm Gunnarsson/Vilhelm Gunnarsson Héraðsdómur og Landsréttur voru ekki sammála um hvort samþykkja ætti gæsluvarðhaldskröfu yfir karlmanninum á grundvelli almannahagsmuna. Fór svo að Landsréttur samþykkti kröfuna og hefur karlmaðurinn setið inni síðan. Hann játaði líkamsárásina en í ákæru segir að hann hafi veist með ofbeldi að kærustunni fyrrverandi og veitt henni ítrekuð högg og spörk sem sérstaklega beindust að höfði en einnig búk, ásamt því að rífa í hár hennar, taka hana hálstaki og þrengja að öndunarvegi sem var til þess fallið setja hana í lífshættu. Fyrri líkamsárás Afleiðingarnar voru þær að stúlkan hlaut augntóftargólfsbrot báðum megin, nefbeinsbrot, opið sár á höfði, mar og marga yfirborðsáverka á höfuð, mar á háls, slímhúðar og punktalaga blæðingar í munnslímhúð, yfirborðssár í hársvörð og marga yfirborðsáverka og maráverka víðsvegar um líkamann. Þá játaði hann sömuleiðis að hafa slegið kærustuna fyrrverandi rúmum mánuði fyrr en bar fyrir sig að hafa verið að verjast spörkum og höggum hennar. Héraðsdómur taldi framburð hans ótrúverðugan og dæmdi hann fyrir þá árás sömuleiðis. Framburður beggja um bílferðina í Heiðmörk þótti trúverðugur og taldi dómurinn ósannað að maðurinn hefði brotið með ofbeldi gegn barnsmóður sinni í bílferðina.Vísir/Vilhelm Karlmaðurinn var einnig ákærður fyrir ofbeldi gagnvart barnsmóður sinni og fyrrverandi kærust í júlí í fyrra. Höfðu þau ætlað í bíó en orðið ósætti þegar í ljós kom að hún væri á Tinder. Var hætt við bíóferðina og ekið upp í Heiðmörk. Hótanir um nauðgun Játaði karlmaðurinn að hafa hraunað yfir kærustu sína og sparkað símanum hennar út fyrir veginn. Hann neitaði ásökunum um að hafa lagt hendur á hana eins og hún hélt fram. Þótti framburður hennar of almennur, framburður beggja trúverðugur og ekki fullnægjandi sönnun um ofbeldi karlmannsins þar sem stóð orð gegn orði. Hins vegar játaði hann að hafa sent skilaboð á Snapchat. 1. Ég lem þig í stöppu. 2. Ég tek þig og kem þig í klessu og nauðga þér þegar ég kem. 3. Þu gerir sjalfri þer bara illt verra með þessu [...], Ekki gera mig reiðan, Afþvi ég verð reipur þangad til ég sé þig og þa sleppi ég henni ut á þig. Játning og ungur aldur til refsimildunar Við ákvörðun Héraðsdóms Reykjavíkur um refsingu var litið til þess að brot karlmannsins beindust gegn heilsu og velferð tveggja ungra stúlkna og höfðu afleiðingar fyrir líðan þeirra og velferð. Þá hefði hann notfært sér traust sem stúlkurnar báru til hans. Varðandi líkamsárásina í miðbæ Reykjavíkur þá hafi hún verið einstaklega gróf og bera vott um algjört skeytingarleysi gagnvart lífi stúlkunnar. Til refsimildunar var litið til ungs aldurs, hann var um tvítugt þegar hann framdi framangreind brot, og játningar hans í tilfelli líkamsárásarinnar. Þótt tólf mánaða fangelsisvist hæfileg refsing og ekki tilefni til að skilorðsbinda refsinguna. Til frádráttar telst nær óslitið gæsluvarðhald frá 19. október.
Dómsmál Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Arnar Þór á leið í nýjan flokk Innlent Mamma bara María þegar mæðgurnar eru saman á vakt Innlent Senda svifsprengjur fyrir F-16 Erlent Diddy á sjálfsmorðsvakt Erlent „Spurðu svo fyrirtækið þitt af hverju það leggur fé í heimsendakölt“ Innlent Anton Sveinn McKee til liðs við Miðflokkinn Innlent Önnur vopnageymsla í ljósum logum í Rússlandi Erlent Fleiri fréttir Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Sjá meira
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent