Á­kærð fyrir morð eftir að líkams­leifar fundust í ferða­töskum

Bresk kona hefur verið ákærð fyrir morð eftir að líkamsleifar konu fundust í tveimur ferðatöskum í Forest of Dean á suðvestur Englandi.

Sky-fréttastofan hefur eftir lögreglu að beðið sé niðurstöðu úr DNA-rannsókn svo unnt verði að bera kennsl á fórnarlambið og skera úr um dánarorsök. Talið er að konan hafi verið myrt einhvern tímann fyrir 12. maí.

Konan sem ákærð er fyrir morðið heitir Gareeca Conita Gordon og er 27 ára, búsett í Birmingham. Hún verður leidd fyrir dómara í dag. Karlmaður á fertugsaldri hefur einnig verið ákærður fyrir aðild að morðinu.

Líkamsleifar konurnar fundust í grennd við námu í Forest of Dean á þriðjudagskvöld eftir að löreglu barst tilkynning um bifreið sem ekið var glæfralega á svæðinu. Samtal lögreglu við fólk í bifreiðinni leiddi hana að tveimur ferðatöskum, þar sem líkamsleifarnar var að finna.