Kári og Alexandra fórnarlömb dularfulls og grófs stafræns ofbeldis Jakob Bjarnar skrifar 10. mars 2020 11:08 Kári ritar áhrifaríkan pistil á Facebooksíðu sína þar sem hann lýsir stafrænu ofbeldi sem hann og kærasta hans Alexandra hafa mátt sæta en óprúttinn aðili hefur stolið myndum af Alexöndru og notað á falskan reikning þar sem hún er sögð vændiskona. Kári Viðarsson leikari og athafnamaður, eigandi leikhússins Frystiklefans á Rifi greinir frá, í pistli sem hann birtir á Facebook, að Alexandra Jurkovic hafi mátt sæta því sem hlýtur að flokkast undir stafrænt kynferðislegt ofbeldi. Kára bárust myndskilaboð frá tæplega fimmtugum breskum manni sem sýna að myndir sem höfðu verið teknar af Instagram reikningi Alexöndru hafa verið notaðar til að setja upp falskan reikning á fylgdar- eða vændisþjónustu á netinu. Þar er hún sögð vændiskona í Reykjavík. „Við erum að bíða og sjá hvað gerist,“ segir Kári. Hann segir að hann og kærasta hans, Alexandra séu ekki tilbúin að tjá sig um málið frekar en orðið er. Ekki á þessu stigi. Óskar eftir upplýsingum Myndin er af Alexöndru í sundbol í sundlaug á Vestfjörðum sem hún tók sjálf þegar hún var þar, ein á ferðalagi. „Sama myndin er notuð tvisvar og nafnið hennar líka. Annars vegar var opnumynd og svo var myndin notuð aftur við hliðina á því sem einungis er hægt að lýsa sem einhverskonar “matseðli” yfir þá kynlífsþjónustu sem hún veitti, hvað þjónusta frá henni kostaði og þar fram eftir götunum,“ segir meðal annars í pistli Kára. Kári og Alexandra hafa leitað til lögreglu en hefur ekki enn borist nein frekari viðbrögð úr þeirri átt. Kári væntir þess að málið sé þar til rannsóknar.Thomas Lefebvre Þau leituðu til lögreglu með málið, fyrir rúmum hálfum mánuði og bíða nú átekta, vilja sjá hvað kemur út úr því áður en þau taka næsta skref. Pistillinn talar sínu máli. Kári hvetur fólk á samfélagsmiðlinum til að dreifa honum ef það má verða til að varpa frekari ljósi á málið; að fólk geti veitt frekari upplýsingar. Hann telur liggja fyrir að þetta sé að undirlagi einhverra innlendra aðila, af hverju ætti einhver breskur maður að standa í öðru eins og þessu tilviljunakennt? Auk þess sem í tengslum við þetta mál virðist sem hann viti meira en er á allra vitorði. Hefur sett líf þeirra á hliðina Eins og áður sagði líta þau Kári og Alexandra þetta vitaskuld alvarlegum augum og hefur hið ömurlega tiltæki vakið veruleg ónot og ótta með Alexöndru. Reyndar sett líf þeirra beggja á hliðina. Kári segir að þau hafi orðið þess vör að reynt hafi verið að brjótast inn á reikninga þeirra á samfélagsmiðlum og í tölvupósta þeirra. „Alexandra hræðist það að vera ein á vappi í Reykjavík, við hræðumst það að sá, eða þeir, sem standi á bak við þetta hafi látið falsa meira efni af henni eða okkur báðum til að reyna að skaða mannorð okkar og valda frekari sársauka. Við vitum ekki betur en að þetta sé mögulega bara toppurinn á ísjakanum. Í þessari árás má, að okkar mati, finna margskonar glæpsamlegt atferli,“ segir Kári sem segir þetta ærumeiðingar og ofsóknir. „Þetta er klárt áreiti, þetta er persónuþjófnaður (identity theft) og hér er saklaus kona lögð á borð sem einhver vara fyrir vændiskaupendur. Það er ekkert annað en stórhættulegt og grafalvarlegt starfrænt kynferðisofbeldi. Það skal enginn vera í vafa um það að svona gjörningur setur fórnarlambið í hættu á frekara ofbeldi.“ Fjölmargir hafa tekið Kára á orðinu og hafa nú þegar þetta er skrifað rétt tæplega hundrað manns deilt pistli hans á Facebook en hann má sjá ívafðan hér neðar. Lögreglumál Netglæpir Netöryggi Kynferðisofbeldi Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Ragnhildur tekur við Kveik Innlent Tveggja vikna tvíburasystrum vísað úr landi Innlent „Mér finnst þeir vera að taka frá mér lífið“ Innlent Eðlilegt að Ísland skoði að taka þátt Innlent Fleiri fréttir Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Sjá meira
Kári Viðarsson leikari og athafnamaður, eigandi leikhússins Frystiklefans á Rifi greinir frá, í pistli sem hann birtir á Facebook, að Alexandra Jurkovic hafi mátt sæta því sem hlýtur að flokkast undir stafrænt kynferðislegt ofbeldi. Kára bárust myndskilaboð frá tæplega fimmtugum breskum manni sem sýna að myndir sem höfðu verið teknar af Instagram reikningi Alexöndru hafa verið notaðar til að setja upp falskan reikning á fylgdar- eða vændisþjónustu á netinu. Þar er hún sögð vændiskona í Reykjavík. „Við erum að bíða og sjá hvað gerist,“ segir Kári. Hann segir að hann og kærasta hans, Alexandra séu ekki tilbúin að tjá sig um málið frekar en orðið er. Ekki á þessu stigi. Óskar eftir upplýsingum Myndin er af Alexöndru í sundbol í sundlaug á Vestfjörðum sem hún tók sjálf þegar hún var þar, ein á ferðalagi. „Sama myndin er notuð tvisvar og nafnið hennar líka. Annars vegar var opnumynd og svo var myndin notuð aftur við hliðina á því sem einungis er hægt að lýsa sem einhverskonar “matseðli” yfir þá kynlífsþjónustu sem hún veitti, hvað þjónusta frá henni kostaði og þar fram eftir götunum,“ segir meðal annars í pistli Kára. Kári og Alexandra hafa leitað til lögreglu en hefur ekki enn borist nein frekari viðbrögð úr þeirri átt. Kári væntir þess að málið sé þar til rannsóknar.Thomas Lefebvre Þau leituðu til lögreglu með málið, fyrir rúmum hálfum mánuði og bíða nú átekta, vilja sjá hvað kemur út úr því áður en þau taka næsta skref. Pistillinn talar sínu máli. Kári hvetur fólk á samfélagsmiðlinum til að dreifa honum ef það má verða til að varpa frekari ljósi á málið; að fólk geti veitt frekari upplýsingar. Hann telur liggja fyrir að þetta sé að undirlagi einhverra innlendra aðila, af hverju ætti einhver breskur maður að standa í öðru eins og þessu tilviljunakennt? Auk þess sem í tengslum við þetta mál virðist sem hann viti meira en er á allra vitorði. Hefur sett líf þeirra á hliðina Eins og áður sagði líta þau Kári og Alexandra þetta vitaskuld alvarlegum augum og hefur hið ömurlega tiltæki vakið veruleg ónot og ótta með Alexöndru. Reyndar sett líf þeirra beggja á hliðina. Kári segir að þau hafi orðið þess vör að reynt hafi verið að brjótast inn á reikninga þeirra á samfélagsmiðlum og í tölvupósta þeirra. „Alexandra hræðist það að vera ein á vappi í Reykjavík, við hræðumst það að sá, eða þeir, sem standi á bak við þetta hafi látið falsa meira efni af henni eða okkur báðum til að reyna að skaða mannorð okkar og valda frekari sársauka. Við vitum ekki betur en að þetta sé mögulega bara toppurinn á ísjakanum. Í þessari árás má, að okkar mati, finna margskonar glæpsamlegt atferli,“ segir Kári sem segir þetta ærumeiðingar og ofsóknir. „Þetta er klárt áreiti, þetta er persónuþjófnaður (identity theft) og hér er saklaus kona lögð á borð sem einhver vara fyrir vændiskaupendur. Það er ekkert annað en stórhættulegt og grafalvarlegt starfrænt kynferðisofbeldi. Það skal enginn vera í vafa um það að svona gjörningur setur fórnarlambið í hættu á frekara ofbeldi.“ Fjölmargir hafa tekið Kára á orðinu og hafa nú þegar þetta er skrifað rétt tæplega hundrað manns deilt pistli hans á Facebook en hann má sjá ívafðan hér neðar.
Lögreglumál Netglæpir Netöryggi Kynferðisofbeldi Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Ragnhildur tekur við Kveik Innlent Tveggja vikna tvíburasystrum vísað úr landi Innlent „Mér finnst þeir vera að taka frá mér lífið“ Innlent Eðlilegt að Ísland skoði að taka þátt Innlent Fleiri fréttir Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent