Daníel leikur með FH í sumar

Daníel Hafsteinsson, leikmaður U-21 árs landsliðsins, leikur með FH í sumar.

Sænska úrvalsdeildarliðið Helsingborg lánaði Daníel til FH út þetta tímabil.

Daníel, sem er tvítugur, gekk í raðir Helsingborg frá KA um mitt síðasta sumar. Hann lék alls 45 leiki með KA í deild og bikar og skoraði fimm mörk.

Daníel á væntanlega að fylla skarð Færeyingsins Brands Olsen sem FH seldi einmitt til Helsingborg.

Auk Daníels hefur FH samið við Baldur Sigurðsson og Vuk Oskar Dimitrijevic. Sá síðarnefndi var lánaður strax aftur til Leiknis R.

Á síðasta tímabili endaði FH í 3. sæti Pepsi Max-deildar karla og komst í bikarúrslit.