Dagskráin í dag: Tekst FH-ingum að hefna fyrir tapið í bikarúrslitunum?

Það verður boðið upp á fullt af fótbolta á sportstöðvum Stöðvar 2 í dag þar sem íslenski boltinn verður í fyrirrúmi en einnig er spilað í La Liga, spænsku úrvalsdeildinni í fótbolta.

Stórleikur í Pepsi-Max deild karla verður í beinni útsendingu á Stöð 2 Sport. Útsending frá leik Víkings og FH hefst klukkan 19:00 en þessi lið mættust í dramatískum bikarúrslitaleik á síðustu leiktíð þar sem Víkingar höfðu betur.

Bæði lið eru taplaus eftir fyrstu tvær umferðir Íslandsmótsins en Hafnfirðingar hafa byrjað mótið mun betur þar sem þeir hafa fullt hús stiga eftir sigra á ÍA og HK á meðan Víkingar hafa gert jafntefli við Fjölni og KA.

Eftir leikinn verður 3.umferðin skoðuð vel í Pepsi-Max tilþrifunum.

Smelltu hér til að skoða dagskrána á sportstöðvum Stöðvar 2.