Unglingsstúlkan útskrifuð og ráðherrar fljúga vestur Kolbeinn Tumi Daðason skrifar 16. janúar 2020 12:37 Aðgerðarstjórn almannavarna á norðanverðum Vestfjörðum er staðsett á slökkvistöðinni á Ísafirði. Vísir/Egill Búist er við því að opnað verði fyrir umferð um Flateyrarveg um þrjúleytið í dag en samgöngur eru óðum að komast í samt lag á Vestfjörðum. Unglingsstúlkan sem lenti í snjóflóðinu á Flateyri á þriðjudagskvöld var útskrifuð af heilbrigðisstofnun Vestfjarða í gærkvöldi og líður vel samkvæmt upplýsingum fréttastofu. Hlynur Snorrason, yfirlögregluþjónn á Vestfjörðum, segir að verið sé að sjá fyrir endann á flestum verkefnum sem sinnt hafi verið frá því á þriðjdagskvöld. „Áherslan er núna að opna Flateyrarveginn, tryggja öryggi þeirra sem eiga leið um vegina hér - íbúana og viðbragðsaðila sem enn eru að störfum. Við erum einnig að huga að andlega þættinum. Fólki er mörgu hverju brugðið. Við erum að sinna þeim þætti með aðstoð áfallateymis Rauða krossins.“ Áfallahópur Rauða krossins sé að fara yfir þau svæði og meta þann fjölda sem gæti þurft á slíkri þjónustu að halda. Aðstæður á Flateyri í gær.Haukur Sigurðsson Guðmundur Gunnarsson, bæjarstjóri Ísafjarðarbæjar, segir mikilvægt að átta sig á þeirri tilfinningu sem fólkið á Flateyri og Suðureyri hafi upplifað að vera ekki öruggur. „Ég held við getum öll sett okkur í þau spor. Þegar maður er ekki öruggur er maður óttaleginn. En þegar griðastaður manns, heimili manns, er ekki öruggur þá stigmagnast óttinn. Við fundum þetta mjög sterkt á Flateyri í gær. Það er þetta sem við þurfum að leggja áherslu á að vinna að núna, þessi sálgæsla. Koma með skýrar upplýsingar og svör um einmitt þetta. Maður skilur þetta. Þetta eru eðlilegar spurningar og eðlilegar tilfinningar. Hins vegar verðum við í fyrsta lagi að átta okkur á því að varnargarðurinn varnaði því að þarna yrði algjört stórslys.“ Framundan séu upplýsingafundir með íbúum á mánudag. „Við tókum ákvörðun um það strax núna í morgun að við þurfum að veita ofanflóðasérfræðingum okkar andrými til þess að ná saman þessum gögnum. Átta okkur almennilega á því hvað við erum að tala um þannig að við förum með réttar upplýsingar og getum gefið sem bestar upplýsingar. Það eru fyrirhugaðir íbúafundir á Flateyri og Suðureyri strax á mánudag. Þá með öllum þeim sem að komu til að svara öllum þessum spurningum.“ Í framhaldinu þurfi að meta hvort þörf sé á að hafa íbúafundi víðar. „Þá jafnvel í samstarfi við nágrannasveitarfélögin okkar. Þótt Flateyri og Suðureyri hafi verið bæirnir sem áttu í hlut áttum við okkur á því að það getur líka verið að fólk sé að upplifa þennan skort á öryggi annars staðar þar sem eru ofanflóðarvarnir. Við þurfum líka að bera virðingu fyrir því og höfum heyrt af því. Flateyri var dálítið mikið í forgrunni í gær því þar urðu þessir atburðir og varð mannbjörg. En á Suðureyri þurfum við líka að gefa fólkinu gaum. Þar erum við að upplifa hættu sem kemur svolítið aftan að fólki. Flóð hinum megin í hlíðinni sem veldur þessari flóðbylgju.“ Katrín Jakobsdóttir forsætisráðherra, Sigurður Ingi Jóhannsson samgönguráðherra og Bjarni Benediktsson fjármálaráðherra eru á leiðinni til Vestfjarða með þyrlu Landhelgisgæslunnar í dag. Guðmundur segist hafa rætt við flesta úr ráðherraliðinu í gær. „Það er ákveðinn styrkur að heyra að fólk er með okkur. Eftir að hafa farið sjálfur yfir á Flateyri í gær held ég að það væri mjög hollt fyrir þau líka að fá líka svona góða tilfinningu fyrir því hvað við erum nákvæmlega að tala um. Það hjálpar okkur alltaf að meta aðstæður.“ Ísafjarðarbær Snjóflóð á Flateyri og Suðureyri Veður Mest lesið Öryggisráðið ákveður að taka yfir Gasa-borg Erlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Skjálfti fannst á höfuðborgarsvæðinu Innlent Rússar enn að fá „samstöðustyrki“ en Úkraínumenn ekki Erlent Sektaður fyrir að aka á 321 kílómetra hraða Erlent Dvalarleyfi langtum dýrara í hinum Norðurlöndunum Innlent Lögreglurannsókn á banaslysi í Brúará „svo til“ lokið Innlent Enginn handtekinn eftir hópslagsmálin Innlent Gufunesmálið: „Þetta átti aldrei að fara svona“ Innlent Fleiri fréttir Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Fundur hafinn í utanríkismálanefnd Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi Sjá meira
Búist er við því að opnað verði fyrir umferð um Flateyrarveg um þrjúleytið í dag en samgöngur eru óðum að komast í samt lag á Vestfjörðum. Unglingsstúlkan sem lenti í snjóflóðinu á Flateyri á þriðjudagskvöld var útskrifuð af heilbrigðisstofnun Vestfjarða í gærkvöldi og líður vel samkvæmt upplýsingum fréttastofu. Hlynur Snorrason, yfirlögregluþjónn á Vestfjörðum, segir að verið sé að sjá fyrir endann á flestum verkefnum sem sinnt hafi verið frá því á þriðjdagskvöld. „Áherslan er núna að opna Flateyrarveginn, tryggja öryggi þeirra sem eiga leið um vegina hér - íbúana og viðbragðsaðila sem enn eru að störfum. Við erum einnig að huga að andlega þættinum. Fólki er mörgu hverju brugðið. Við erum að sinna þeim þætti með aðstoð áfallateymis Rauða krossins.“ Áfallahópur Rauða krossins sé að fara yfir þau svæði og meta þann fjölda sem gæti þurft á slíkri þjónustu að halda. Aðstæður á Flateyri í gær.Haukur Sigurðsson Guðmundur Gunnarsson, bæjarstjóri Ísafjarðarbæjar, segir mikilvægt að átta sig á þeirri tilfinningu sem fólkið á Flateyri og Suðureyri hafi upplifað að vera ekki öruggur. „Ég held við getum öll sett okkur í þau spor. Þegar maður er ekki öruggur er maður óttaleginn. En þegar griðastaður manns, heimili manns, er ekki öruggur þá stigmagnast óttinn. Við fundum þetta mjög sterkt á Flateyri í gær. Það er þetta sem við þurfum að leggja áherslu á að vinna að núna, þessi sálgæsla. Koma með skýrar upplýsingar og svör um einmitt þetta. Maður skilur þetta. Þetta eru eðlilegar spurningar og eðlilegar tilfinningar. Hins vegar verðum við í fyrsta lagi að átta okkur á því að varnargarðurinn varnaði því að þarna yrði algjört stórslys.“ Framundan séu upplýsingafundir með íbúum á mánudag. „Við tókum ákvörðun um það strax núna í morgun að við þurfum að veita ofanflóðasérfræðingum okkar andrými til þess að ná saman þessum gögnum. Átta okkur almennilega á því hvað við erum að tala um þannig að við förum með réttar upplýsingar og getum gefið sem bestar upplýsingar. Það eru fyrirhugaðir íbúafundir á Flateyri og Suðureyri strax á mánudag. Þá með öllum þeim sem að komu til að svara öllum þessum spurningum.“ Í framhaldinu þurfi að meta hvort þörf sé á að hafa íbúafundi víðar. „Þá jafnvel í samstarfi við nágrannasveitarfélögin okkar. Þótt Flateyri og Suðureyri hafi verið bæirnir sem áttu í hlut áttum við okkur á því að það getur líka verið að fólk sé að upplifa þennan skort á öryggi annars staðar þar sem eru ofanflóðarvarnir. Við þurfum líka að bera virðingu fyrir því og höfum heyrt af því. Flateyri var dálítið mikið í forgrunni í gær því þar urðu þessir atburðir og varð mannbjörg. En á Suðureyri þurfum við líka að gefa fólkinu gaum. Þar erum við að upplifa hættu sem kemur svolítið aftan að fólki. Flóð hinum megin í hlíðinni sem veldur þessari flóðbylgju.“ Katrín Jakobsdóttir forsætisráðherra, Sigurður Ingi Jóhannsson samgönguráðherra og Bjarni Benediktsson fjármálaráðherra eru á leiðinni til Vestfjarða með þyrlu Landhelgisgæslunnar í dag. Guðmundur segist hafa rætt við flesta úr ráðherraliðinu í gær. „Það er ákveðinn styrkur að heyra að fólk er með okkur. Eftir að hafa farið sjálfur yfir á Flateyri í gær held ég að það væri mjög hollt fyrir þau líka að fá líka svona góða tilfinningu fyrir því hvað við erum nákvæmlega að tala um. Það hjálpar okkur alltaf að meta aðstæður.“
Ísafjarðarbær Snjóflóð á Flateyri og Suðureyri Veður Mest lesið Öryggisráðið ákveður að taka yfir Gasa-borg Erlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Skjálfti fannst á höfuðborgarsvæðinu Innlent Rússar enn að fá „samstöðustyrki“ en Úkraínumenn ekki Erlent Sektaður fyrir að aka á 321 kílómetra hraða Erlent Dvalarleyfi langtum dýrara í hinum Norðurlöndunum Innlent Lögreglurannsókn á banaslysi í Brúará „svo til“ lokið Innlent Enginn handtekinn eftir hópslagsmálin Innlent Gufunesmálið: „Þetta átti aldrei að fara svona“ Innlent Fleiri fréttir Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Engin málaferli vegna slyss á Breiðamerkurjökli Tveir skjálftar um 3,3 að stærð Fundur hafinn í utanríkismálanefnd Mat á skólastarfi „algjört fúsk“: Eins og fyrirtæki sem „vona að þau endi ekki í blöðunum“ Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi Sjá meira