Danielle ráðin aðstoðarþjálfari landsliðsins

Danielle Rodriguez hefur verið ráðin aðstoðarþjálfari íslenska kvennalandsliðsins í körfubolta.

Hún lék í fjögur ár hér á landi við góðan orðstír en lagði skóna á hilluna í vor. Þá var hún ráðin aðstoðarþjálfari karlaliðs Stjörnunnar.

Meðfram því aðstoðar hún Benedikt Guðmundsson við þjálfun kvennalandsliðsins sem kemur saman til æfinga um helgina. Í fyrra var Danielle aðstoðarþjálfari U-20 ára landsliðs kvenna.

Benedikt valdi nítján leikmenn í æfingahóp íslenska liðsins. Hann má sjá hér fyrir neðan.

Æfingahópur íslenska landsliðsins

Sigrún Sjöfn Ámundadóttir er meidd, Helena Sverrisdóttir barnshafandi og Sylvía Rún Hálfdanardóttir gaf ekki kost að sér að þessu sinni. Þá eru Þóranna Kika Hodge-Carr, Sigrún Björg Ólafsdóttir og Thelma Dís Ágústsdóttir komnar til Bandaríkjanna þar sem þær leika í háskólaboltanum.

Framundan eru leikir í undankeppni EM kvenna en það kemur í ljós í byrjun september hjá FIBA, Alþjóða körfuknattleikssambandinu, hvort af þeim landsliðsgluggum, sem eru á dagskrá í nóvember og febrúar, verður.