Uppnám í Ísafjarðarbæ tveimur vikum eftir snjóflóðin Kolbeinn Tumi Daðason skrifar 27. janúar 2020 10:59 Guðmundur Gunnarsson, fráfarandi bæjarstjóri, vill ekki tjá sig um ástæður starfslokanna utan þess að ólík sýn hafi verið á verkefni á vettvangi sveitarfélagsins. Guðmundur Gunnarsson, sem lætur í dag af störfum sem bæjarstjóri Ísafjarðarbæjar, segir aðdragandann að starfslokunum hafa verið stuttan. Tæpar tvær vikur eru síðan tvö snjóflóð féllu á Flateyri og þriðja flóð olli flóðbylgju á Suðureyri. Bæirnir eru hluti af Ísafjarðarbæ. Guðmundur var áberandi í fréttum af hamförunum þar sem táningsstúlka var hætt komin eftir að snjóflóð féll á hús fjölskyldu hennar á Flateyri. Ísafjarðarbær sendi frá sér tilkynningu á ellefta tímanum þar sem fram kom að ástæðan væri ólík sýn á verkefni á vettvangi sveitarfélagsins. „Telja aðilar það sveitarfélaginu fyrir bestu að leiðir skilji. Það mun skýrast á allra næstu dögum hvernig ráðningu á næsta bæjarstjóra verður hagað,“ segir í tilkynningunni. Guðmundur, sem er fæddur á Ísafirði en uppalinn í Bolungarvík, var ráðinn bæjarstjóri Ísafjarðarbæjar í ágúst 2018 af meirihluta bæjarstjórnar sem Sjálfstæðisflokkur og Framsókn mynda. Þórdís Sif Sigurðardóttir, bæjarritari Ísafjarðarbæjar, gegnir starfinu þangað til nýr bæjarstjóri finnst. Ekki kemur fram í tilkynningunni hvort ráðið verði faglega í starfið eins og var í tilfelli Guðmundar. Ekki langur aðdragandi Guðmundur segir að bilið hafi verið það mikið í sýninni að erfitt hafi verið að brúa það. Niðurstaðan sé sameiginleg. Þegar svo er sé „fjölskyldunni“ fyrir bestu að fólk fari hvort í sína áttina. Guðmundur ætlar ekki að tjá sig um það á hverju samstarfið hafi strandað og hvort niðurstaðan tengist hamförunum fyrir tveimur vikum. „En þetta hefur ekki átt sér langan aðdraganda,“ segir Guðmundur. Auðvitað sé alltaf aðdragandi í svona málum en niðurstaðan eigi sér ekki langan aðdraganda. Draumurinn að koma heim Guðmundur segir niðurstöðuna nokkuð skyndilega og hann sé ekki farinn að hugsa um næstu skref. „Við fluttum hingað fyrir þetta starf þótt ég hafi nú alltaf verið á leiðinni heim. Við áttum þann draum,“ segir Guðmundur sem starfaði frá 2015 til 2018 sem framkvæmdastjóri AFS á Íslandi. Áður stýrði hann alþjóðasviði 66°N en var þar áður frétta- og dagskrárgerðarmaður RÚV um nokkurra ára skeið. Guðmundur var áberandi í fréttum í kjölfar snjóflóðanna á Flateyri og Suðureyri. „Nú þurfum við að setjast niður fjölskyldan. Konan mín er í vinnu hérna, börnin eru í skóla hérna og við eigum hús hérna. Við þurfum að fara yfir þetta.“ En allt sé þetta nýskeið. Í þessu felist kannski fyrst og fremst tækifæri til að fara meira til fjalla, segir Guðmundur á léttum nótum. Þakklátur fyrir tækifærið Hann vill ekki gera mikið úr tíðindunum. Þótt hann hafi kunnað vel að meta starfið sé þetta bara starf. Guðmundur vísar til atburðanna á Flateyri og Suðureyri til að setja hlutina í samhengi. „Fjölskylda stúlkunnar gisti heima hjá okkur fyrstu nóttina. Ég fór með tveimur yngri systkinum í þyrlunni frá Flateyri að hitta systur sína og varð vitni að því þegar fjölskyldan hittist aftur,“ segir Guðmundur. „Þetta er ekkert stórmál í námunda við það sem maður hefur verið að horfa á síðustu vikur og daga. Þetta hjálpar manni að setja hlutina í stærra samhengi.“ Hann er þó þakklátur fyrir eitt og hálft ár í starfi bæjarstjóra. „Þetta er skemmtilegasti vinnustaður sem ég hef unnið á. Ég lagði hjarta og sál í þetta starf. Það tekur enginn frá mér.“ Að neðan má heyra viðtal við Guðmund sem tekið var fyrir hádegisfréttir Bylgjunnar á tólfa tímanum. Ísafjarðarbær Snjóflóð á Flateyri og Suðureyri Tengdar fréttir Lætur af störfum sem bæjarstjóri Ísafjarðarbæjar Meirihluti bæjarstjórnar Ísafjarðarbæjar og Guðmundur Gunnarsson, bæjarstjóri, hafa komist að samkomulagi um starfslok Guðmundar og lætur hann af störfum nú þegar. 27. janúar 2020 10:36 Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Ákærður fyrir að nauðga barni frá því að það var tveggja ára Innlent Baðst afsökunar á miður fallegum orðum í garð annarra verjenda Innlent Logandi bíll á hvolfi í Kópavogi Innlent „Honum var kastað til hliðar eins og hverju öðru drasli“ Innlent „Enginn engill“ en heldur ekki morðingi Innlent Verjandi Lúkasar: „Þetta er bissness, þetta er viðskiptahugmynd“ Innlent Starfsmaður Héraðssaksóknara með stöðu sakbornings Innlent Afhjúpaði eigin njósnara á X Erlent Fleiri fréttir Samfélagið í molum eftir fráfall ungrar konu: „Við erum enn þá í áfalli“ Háskólinn í stað Hótel Sögu sem heyrir sögunni til Logandi bíll á hvolfi í Kópavogi Sýknukrafa, kreppuástand og hótel í fjalli Byrja að dæla heitu aftur fyrir klukkan tíu Baðst afsökunar á miður fallegum orðum í garð annarra verjenda Sjö eldislaxar fundist í fjórum ám Starfsmaður Héraðssaksóknara með stöðu sakbornings Lýsa yfir vantrausti á Sönnu og segja hana ætla að stofna nýjan flokk „Enginn engill“ en heldur ekki morðingi Hefur þekkt soninn lengur en ráðherrann Verjandi Lúkasar: „Þetta er bissness, þetta er viðskiptahugmynd“ Aðeins 22 prósent nemenda Fellaskóla með viðeigandi færni í lestri Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram á kvöld Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Sjá meira
Guðmundur Gunnarsson, sem lætur í dag af störfum sem bæjarstjóri Ísafjarðarbæjar, segir aðdragandann að starfslokunum hafa verið stuttan. Tæpar tvær vikur eru síðan tvö snjóflóð féllu á Flateyri og þriðja flóð olli flóðbylgju á Suðureyri. Bæirnir eru hluti af Ísafjarðarbæ. Guðmundur var áberandi í fréttum af hamförunum þar sem táningsstúlka var hætt komin eftir að snjóflóð féll á hús fjölskyldu hennar á Flateyri. Ísafjarðarbær sendi frá sér tilkynningu á ellefta tímanum þar sem fram kom að ástæðan væri ólík sýn á verkefni á vettvangi sveitarfélagsins. „Telja aðilar það sveitarfélaginu fyrir bestu að leiðir skilji. Það mun skýrast á allra næstu dögum hvernig ráðningu á næsta bæjarstjóra verður hagað,“ segir í tilkynningunni. Guðmundur, sem er fæddur á Ísafirði en uppalinn í Bolungarvík, var ráðinn bæjarstjóri Ísafjarðarbæjar í ágúst 2018 af meirihluta bæjarstjórnar sem Sjálfstæðisflokkur og Framsókn mynda. Þórdís Sif Sigurðardóttir, bæjarritari Ísafjarðarbæjar, gegnir starfinu þangað til nýr bæjarstjóri finnst. Ekki kemur fram í tilkynningunni hvort ráðið verði faglega í starfið eins og var í tilfelli Guðmundar. Ekki langur aðdragandi Guðmundur segir að bilið hafi verið það mikið í sýninni að erfitt hafi verið að brúa það. Niðurstaðan sé sameiginleg. Þegar svo er sé „fjölskyldunni“ fyrir bestu að fólk fari hvort í sína áttina. Guðmundur ætlar ekki að tjá sig um það á hverju samstarfið hafi strandað og hvort niðurstaðan tengist hamförunum fyrir tveimur vikum. „En þetta hefur ekki átt sér langan aðdraganda,“ segir Guðmundur. Auðvitað sé alltaf aðdragandi í svona málum en niðurstaðan eigi sér ekki langan aðdraganda. Draumurinn að koma heim Guðmundur segir niðurstöðuna nokkuð skyndilega og hann sé ekki farinn að hugsa um næstu skref. „Við fluttum hingað fyrir þetta starf þótt ég hafi nú alltaf verið á leiðinni heim. Við áttum þann draum,“ segir Guðmundur sem starfaði frá 2015 til 2018 sem framkvæmdastjóri AFS á Íslandi. Áður stýrði hann alþjóðasviði 66°N en var þar áður frétta- og dagskrárgerðarmaður RÚV um nokkurra ára skeið. Guðmundur var áberandi í fréttum í kjölfar snjóflóðanna á Flateyri og Suðureyri. „Nú þurfum við að setjast niður fjölskyldan. Konan mín er í vinnu hérna, börnin eru í skóla hérna og við eigum hús hérna. Við þurfum að fara yfir þetta.“ En allt sé þetta nýskeið. Í þessu felist kannski fyrst og fremst tækifæri til að fara meira til fjalla, segir Guðmundur á léttum nótum. Þakklátur fyrir tækifærið Hann vill ekki gera mikið úr tíðindunum. Þótt hann hafi kunnað vel að meta starfið sé þetta bara starf. Guðmundur vísar til atburðanna á Flateyri og Suðureyri til að setja hlutina í samhengi. „Fjölskylda stúlkunnar gisti heima hjá okkur fyrstu nóttina. Ég fór með tveimur yngri systkinum í þyrlunni frá Flateyri að hitta systur sína og varð vitni að því þegar fjölskyldan hittist aftur,“ segir Guðmundur. „Þetta er ekkert stórmál í námunda við það sem maður hefur verið að horfa á síðustu vikur og daga. Þetta hjálpar manni að setja hlutina í stærra samhengi.“ Hann er þó þakklátur fyrir eitt og hálft ár í starfi bæjarstjóra. „Þetta er skemmtilegasti vinnustaður sem ég hef unnið á. Ég lagði hjarta og sál í þetta starf. Það tekur enginn frá mér.“ Að neðan má heyra viðtal við Guðmund sem tekið var fyrir hádegisfréttir Bylgjunnar á tólfa tímanum.
Ísafjarðarbær Snjóflóð á Flateyri og Suðureyri Tengdar fréttir Lætur af störfum sem bæjarstjóri Ísafjarðarbæjar Meirihluti bæjarstjórnar Ísafjarðarbæjar og Guðmundur Gunnarsson, bæjarstjóri, hafa komist að samkomulagi um starfslok Guðmundar og lætur hann af störfum nú þegar. 27. janúar 2020 10:36 Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Ákærður fyrir að nauðga barni frá því að það var tveggja ára Innlent Baðst afsökunar á miður fallegum orðum í garð annarra verjenda Innlent Logandi bíll á hvolfi í Kópavogi Innlent „Honum var kastað til hliðar eins og hverju öðru drasli“ Innlent „Enginn engill“ en heldur ekki morðingi Innlent Verjandi Lúkasar: „Þetta er bissness, þetta er viðskiptahugmynd“ Innlent Starfsmaður Héraðssaksóknara með stöðu sakbornings Innlent Afhjúpaði eigin njósnara á X Erlent Fleiri fréttir Samfélagið í molum eftir fráfall ungrar konu: „Við erum enn þá í áfalli“ Háskólinn í stað Hótel Sögu sem heyrir sögunni til Logandi bíll á hvolfi í Kópavogi Sýknukrafa, kreppuástand og hótel í fjalli Byrja að dæla heitu aftur fyrir klukkan tíu Baðst afsökunar á miður fallegum orðum í garð annarra verjenda Sjö eldislaxar fundist í fjórum ám Starfsmaður Héraðssaksóknara með stöðu sakbornings Lýsa yfir vantrausti á Sönnu og segja hana ætla að stofna nýjan flokk „Enginn engill“ en heldur ekki morðingi Hefur þekkt soninn lengur en ráðherrann Verjandi Lúkasar: „Þetta er bissness, þetta er viðskiptahugmynd“ Aðeins 22 prósent nemenda Fellaskóla með viðeigandi færni í lestri Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram á kvöld Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Sjá meira
Lætur af störfum sem bæjarstjóri Ísafjarðarbæjar Meirihluti bæjarstjórnar Ísafjarðarbæjar og Guðmundur Gunnarsson, bæjarstjóri, hafa komist að samkomulagi um starfslok Guðmundar og lætur hann af störfum nú þegar. 27. janúar 2020 10:36