Segja Liver­pool vilja fá Timo Werner næsta sumar

The Athletic greinir frá því í dag að Evrópumeistarar Liverpool séu ólmir í að krækja í framherjann, Timo Werner, frá RB Leipzig næsta sumar.

Werner hefur farið á kostum í þýsku úrvalsdeildinni í vetur. Hann hefur skorað 25 mörk í 29 leikjum og mörg félög í Evrópu eru talin fylgjast með framherjanum.

Sadio Mane og Mohamed Salah verða ekki með Liverpool-liðinu í rúman mánuð í byrjun næsta árs vegna Afríkukeppninnar og því vill Jurgen Klopp styrkja hópinn.

Liverpool are reportedly planning a transfer swoop for a RB Leipzig striker Timo Werner this summer.

Jurgen Klopp is targeting Werner as well as a left-back to provide competition to Andy Robertson, according to The Athletic.https://t.co/GZYZdEuxtJ

— Anfield Watch (@AnfieldWatch) February 9, 2020

Talið er að Werner sé með klásúlu í samningi sínum sem hljóði upp á að hann geti yfirgefið félagið komi tilboð upp á 60 milljónir evra.

Hann er einungis 23 ára en framherjastaðan er ekki eina staðan sem Þjóðverjinn Klopp vill styrkja. Hann er einnig talinn vilja fá vinstri bakvörð til að auka samkeppnina við Andy Robertson.

Liverpool er með 22 stiga forskot á toppi ensku úrvalsdeildarinnar, mætir Atletico Madrid í 16-liða úrslitum Meistaradeildarinnar og á svo kappi við Chelsea í 16-liða úrslitum enska bikarsins.

Once you reach the summit, staying there becomes the great battle. An inside dive into #LFC's summer transfer plans, featuring Kylian Mbappe, Kai Havertz, Jadon Sancho and sticking to the principles that restored them as a domestic and European powerhousehttps://t.co/P7u3kwtwed

— Melissa Reddy (@MelissaReddy_) February 3, 2020