Jack Sherman gítarleikari Red Hot Chili Peppers látinn

Jack Sherman, gítarleikari Red Hot Chili Peppers, er látinn 64 ára að aldri. Sherman spilaði með sveitinni á fyrstu plötu hennar og spilaði í fyrstu tónleikaferð sveitarinnar í Bandaríkjunum árið 1984. Þá samdi hann fjölda laga fyrir aðra plötu sveitarinnar.

Dánarorsök hans hefur ekki verið gefin út.

Sherman tók við Hillel Slovak, einum stofnenda sveitarinnar, sem gítarleikari í desember árið 1983. Slovak sneri svo aftur til sveitarinnar árið 1985 þegar Sherman yfirgaf hana.

Hann lagði þó sitt fram á nokkrum plötum sveitarinnar, The Abbey Road Ep og Mother‘s Milk, auk þess sem hann starfaði með fleiri heimsþekktum tónlistarmönnum, þar á meðal Bob Dillan og George Clinton.