Innlit á heimili Scottie Pippen

Á YouTube-rásinni Architectural Digest má reglulega finna myndbönd þar sem þekkt fólk leyfir áhorfendum að kíkja í heimsókn og sjá heimili þeirra.

Í sumar fékk útsendari Architectural Digest að kíkja í heimsókn til körfuboltagoðsagnarinnar Scottie Pippen sem vann sex meistaratitla við hlið Michael Jordan með Chicago Bulls.

Hann og eignkona hans eiga fallegt og stórt hús í rétt fyrir utan Chicago borg og má með sanni segja að þar er allt til alls. Pippen er að sjálfsögðu með körfuboltasal heima og er eldhúsið í sérstöku uppáhaldi.

Uppáhaldshluturinn hans í húsinu er í raun í sundlaugagarðinum. Þar er hann með stórt sjónvarp sem stenst hvaða veður sem er. Fjölskyldan horfir oft á tíðum á NBA leiki í sundlauginni en hér að neðan má sjá umfjöllun AD um heimili Pippen.