Leicester byrjar nýtt tímabil af krafti en þeir unnu 3-0 sigur á nýliðunum í West Bromwich Albion í 1. umferðinni.
Þetta er í fyrsta sinn síðan liðið varð meistari tímabilið 2015/2016 að liðið vinnur fyrsta leik tímabilsins.
Staðan var markalaus í hálfleik en fyrsta markið kom á 56. mínútu er nýi maðurinn, Timothy Castagne, skoraði í sínum fyrsta leik.
Hinn 25 ára gamli Castagne kom til Leicester í sumar frá Atalanta en Leicester þurfti að borga um 24 milljónir evra fyrir hann.
Timothy Castagne is the 10th player to score on his club PL debut for @LCFC and the 1st since Islam Slimani in Sept 2016 pic.twitter.com/0uV2MYP3e1
— Sky Sports Statto (@SkySportsStatto) September 13, 2020
Jamie Vardy skoraði svo annað markið úr vítaspyrnu stundarfjórðungi fyrir leikslok og Vardy skoraði annað mark sitt og þriðja mark Leicester á 84. mínútu.
Lokatölur 3-0 og ljóst að Leicester er búið að hrista af sér slenið að hafa kastað frá sér Meistaradeildarsæti á síðustu leiktíð með slæmum endaspretti.
Það er langur vetur framundan fyrir nýliða WBA sem fékk 3-0 skell á heimavelli í fyrstu umferðinni.
The last time @LCFC won their opening @PremierLeague game...
— SPORF (@Sporf) September 13, 2020
... They did the unthinkable, and lifted the title.
A good omen etc etc... pic.twitter.com/6bnGCn2BBj