Þeir Ísak Bergmann Jóhannesson og Jón Dagur Þorsteinsson skoruðu báðir er lið þeirra - Norrköping og AGF - unnu góða sigra í sænsku og dönsku úrvalsdeildinni í dag.
Ísak Bergmann kom Norrköping yfir eftir tæplega hálftíma leik er liðið mætti Kalmar á útivelli í dag. Tíu mínútum síðar var staðan orðin 2-0 og þannig var hún bæði þegar flautað var til hálfleiks og leiksloka.
Norrköping er sem stendur í 4. sæti deildarinnar með 32 stig eftir að hafa spilað 20 leiki. Häcken og Elfsborg eru þar fyrir ofan með 33 stig en bæði lið eiga leik til góða á Norrköping. Malmö er sem fyrr á toppi deildarinnar með 40 stig.
Magiskt förarbete av Levi när Ísak Bergmann Jóhannesson ger Norrköping ledningen pic.twitter.com/cYq7FR0Fez
— Dplay Sport (@Dplay_Sport) September 14, 2020
Jón Dagur skoraði þriðja og síðasta mark AGF í öruggum 3-0 sigri á Kjartani Henry Finnbogasyni og félögum í Vejle í 1 umferð dönsku úrvalsdeildarinnar. AGF komst í 2-0 strax í upphafi leiks og Jón Dagur kom liðinu í 3-0 á 58. mínútu. Sem betur fer því Vejle átti eftir að minnka muninn.
Booooom Jón Dagur Þorsteinsson (@jondagur) pic.twitter.com/y7vsz0ZUmy
— Magnus Agnar Magnusson (@totalfl) September 14, 2020
Kjartan Henry kom inn af varamannabekk Vejle á 69. mínútu og umturnaði sóknarleik Vejle í kjölfarið. Liðið minnkaði muninn í 3-1 aðeins tveimur mínútum eftir að hann kom inn á og á 84. mínútu var staðan orðin 3-2.
Nær komst Vejle ekki og bættu AGF við fjórða marki sínu í uppbótartíma, lokatölur því 4-2 AGF í vil í fyrsta leik tímabilsins.