Hreggnasi framlengir samning um Svalbarðsá

Svalbarðsá er ein af þessum ám sem á ansi sterkan hóp aðdáenda og þeir sem veiða hana einu sinni dreymir alltaf um að fara í hana aftur.

Það er Hreggnasi sem hefur verið með ánna á leigu undanfarin ár og þeir voru að framlengja þann samning. Hér er tilkynning frá félaginu:

Nýverið var undirritaður langtíma samningur á milli Veiðifélagsins Hreggnasa annars vegar og Veiðifélags Svalbarðsár hins vegar, um áframhaldandi leigu þess fyrrnefnda að Svalbarðsá.

Hreggnasi ehf hefur komið að leigu Svalbarðsár allt frá árinu 2007. Þá reis nýtt veiðihús við ána. Frá árinu 2009 hefur Svalbarðsá verið veidd undir „veiða og sleppa“ fyrirkomulaginu en við það hafa veiðitölur og seiðavísitala vaxið mjög til hins betra".

Svalbarðsá er án efa meðal bestu laxveiðáa landsins. Meðalveiði undanfarinna sumra er um 400 laxar, en þar af hefur hlutfall stórlaxa í aflanum verið yfir 60%. Þá hefur meðalveiði á hverja dagsstöng verið með því allra besta sem gerist á landinu.