Hópurinn sem mætir Ungverjum í úrslitaleiknum

Erik Hamrén, landsliðsþjálfari karla í fótbolta, hefur valið 24 leikmenn í landsliðshópinn sem mætir Ungverjalandi í úrslitaleik um sæti á EM í Búdapest næstkomandi fimmtudag.

Eftir leikinn við Ungverjaland heldur íslenski hópurinn til Kaupmannahafnar og mætir Danmörku í Þjóðadeildinni 15. nóvember, og loks mætir Ísland Englandi á Wembley 18. nóvember.

Íslenska hópinn má sjá hér að neðan en hann er sá sami og valinn var fyrir leikinn við Rúmeníu í undanúrslitum EM-umspilsins fyrir mánuði. 

Jón Dagur Þorsteinsson og Mikael Neville Anderson eru ekki í hópnum, ekki frekar en  hinn 17 ára gamli Ísak Bergmann Jóhannesson sem farið hefur á kostum í Svíþjóð í ár. Ætla má að þessir þrír verði í U21-landsliðinu sem á fyrir höndum þrjá afar mikilvæga leiki sem ráða því hvort liðið kemst í lokakeppni EM.

Landsliðshópur Íslands:

Markmenn:

Hannes Þór Halldórsson | Valur | 72 leikir

Rúnar Alex Rúnarsson | Arsenal | 6 leikir

Ögmundur Kristinsson | Olympiacos | 16 leikir

Varnarmenn:

Birkir Már Sævarsson | Valur | 93 leikir, 2 mörk

Hjörtur Hermannsson | Bröndby | 17 leikir, 1 mark

Ragnar Sigurðsson | FC Köbenhavn | 96 leikir, 5 mörk

Sverrir Ingi Ingason | PAOK | 33 leikir, 3 mörk

Kári Árnason | Víkingur R. | 85 leikir, 6 mörk

Hólmar Örn Eyjólfsson | Rosenborg | 17 leikir, 2 mörk

Ari Freyr Skúlason | KV Oostende | 74 leikir

Hörður Björgvin Magnússon | CSKA Moscow | 32 leikir, 2 mörk

Miðjumenn:

Guðlaugur Victor Pálsson | SV Darmstadt 98 | 20 leikir

Arnór Sigurðsson | CSKA Moscow | 10 leikir, 1 mark

Arnór Ingvi Traustason | Malmö | 37 leikir, 5 mörk

Birkir Bjarnason | Brescia | 89 leikir, 13 mörk

Rúnar Már Sigurjónsson | Astana | 28 leikir, 1 mark

Gylfi Sigurðsson | Everton | 76 leikir, 24 mörk

Jóhann Berg Guðmundsson | Burnley | 76 leikir, 8 mörk

Aron Einar Gunnarsson | Al Arabi | 89 leikir, 2 mörk

Sóknarmenn:

Viðar Örn Kjartansson | Valerenga | 27 leikir, 3 mörk

Jón Daði Böðvarsson | Millwall | 52 leikir, 3 mörk

Kolbeinn Sigþórsson | AIK | 59 leikir, 26 mörk

Albert Guðmundsson | AZ Alkmaar | 15 leikir, 3 mörk

Alfreð Finnbogason | Augsburg | 59 leikir, 15 mörk

Leikur Ungverjalands og Íslands verður sýndur í beinni útsendingu á Stöð 2 Sport 2 fimmtudaginn 12. nóvember klukkan 19.45 en upphitun hefst klukkan 18.45. Áskrift er hægt að kaupa hér en einnig verður í boði að kaupa stakan viðburð á myndlyklum Vodafone og Símans á kr. 990, sem og í vefsjónvarpi Stöðvar 2.