Rafmagnsskortur í Kína rakinn til deilu við Ástrala Samúel Karl Ólason skrifar 21. desember 2020 13:21 Kolaverð hefur hækkað mikið í Kína að undanförnu. AP/Wang Kai/Xinhua Búið er að loka verksmiðjum víða í Kína og yfirvöld borga hafa gert íbúum að spara rafmagnsnotkun vegna orkuskorts í landinu. Samhliða skortinum og takmörkunum fer hitastig lækkandi. Financial Times segir ástandið undirstrika vanda yfirvalda Kína varðandi harða utanríkisstefnu þeirra og þarfa hagkerfisins. Orkuskortinn má nefnilega að einhverju leyti rekja til þess að yfirvöld í Kína hafa stöðvað innflutning kola frá Ástralíu vegna deilna ríkjanna. Í frétt ABC News í Ástralíu frá helginni segir að í nóvember hafi rúmlega 60 kolaskip frá Ástralíu verið stöðvuð í kínverskri landhelgi. Samkvæmt frétt South China Morning Post í síðustu viku hefur kolaverð hækkað gífurlega að undanförnu. Þar er haft eftir yfirvöldum Kína að ríkið búi yfir nægum birgðum út veturinn en þrátt fyrir þá yfirlýsingu hafa ráðmenn skipað embættismönnum víðsvegar um landið að draga úr raforkunotkun. Samskipti Ástralíu og Kína versnað töluvert að undanförnu. Fyrir því eru margar ástæður en Ástralar gengu fyrr á árinu til liðs við Bandaríkjamenn í að fordæma ólöglegt tilkall Kína til nánast alls Suður-Kínahafs og sökuðu þeir Kínverja um að fara fram með offorsi og þjösnaskap. Kína er langstærsti viðskiptaaðili Ástralíu og kaupir um þriðjung af öllum útflutningi ríkisins. Þá ferðast rúmlega milljón Kínverja til Ástralíu á ári hverju og þangað fara fjölmargir Kínverjar til að stunda nám. Í Hunan-héraði er ekki kveikt á helmingi ljósastaura og þá hefur verið slökkt á lyftum í háum byggingum í Changsha, höfuðborg héraðsins. Þar hafa íbúar þurft að ganga upp allt að tuttugu hæðir til að komast til vinnu. Maður sem vinnur í slíkri byggingu sagði blaðamönnum FT að hann hefði aldrei átt í meiri vandræðum með að komast í vinnuna. Hann sat til að mynda fastur í lyftu í 40 mínútur eftir að hún varð rafmagnslaus. Sambærilegar sögur hafa borist frá fleiri héruðum landsins. Yfirvöld í Kína segja að kuldakasti og aukinni eftirspurn sé um að kenna. Í samtali við FT sagði yfirmaður kínversk orkufyrirtækis að mörg af smærri orkuverum Kína reiði á kol frá Ástralíu vegna gæða þess og forsvarsmenn þeirra eigi í erfiðleikum með að finna eitthvað í staðinn. Þá ráði kínversk námuvinnsla ekki við þá auknu eftirspurn sem hefur fylgt innflutningsbanninu. Ástralía Kína Mest lesið Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Þrjár verslanir í Múlunum sektaðar eftir rassíu Neytendastofu Neytendur Nýtt trend: Engir yfirmenn á vinnustaðnum Atvinnulíf Tupperware lýsir yfir gjaldþroti Viðskipti erlent Þetta kostar skyndibiti á Íslandi Neytendur Útlit fyrir frekari verðhækkanir á kaffimarkaði Neytendur Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Financial Times segir ástandið undirstrika vanda yfirvalda Kína varðandi harða utanríkisstefnu þeirra og þarfa hagkerfisins. Orkuskortinn má nefnilega að einhverju leyti rekja til þess að yfirvöld í Kína hafa stöðvað innflutning kola frá Ástralíu vegna deilna ríkjanna. Í frétt ABC News í Ástralíu frá helginni segir að í nóvember hafi rúmlega 60 kolaskip frá Ástralíu verið stöðvuð í kínverskri landhelgi. Samkvæmt frétt South China Morning Post í síðustu viku hefur kolaverð hækkað gífurlega að undanförnu. Þar er haft eftir yfirvöldum Kína að ríkið búi yfir nægum birgðum út veturinn en þrátt fyrir þá yfirlýsingu hafa ráðmenn skipað embættismönnum víðsvegar um landið að draga úr raforkunotkun. Samskipti Ástralíu og Kína versnað töluvert að undanförnu. Fyrir því eru margar ástæður en Ástralar gengu fyrr á árinu til liðs við Bandaríkjamenn í að fordæma ólöglegt tilkall Kína til nánast alls Suður-Kínahafs og sökuðu þeir Kínverja um að fara fram með offorsi og þjösnaskap. Kína er langstærsti viðskiptaaðili Ástralíu og kaupir um þriðjung af öllum útflutningi ríkisins. Þá ferðast rúmlega milljón Kínverja til Ástralíu á ári hverju og þangað fara fjölmargir Kínverjar til að stunda nám. Í Hunan-héraði er ekki kveikt á helmingi ljósastaura og þá hefur verið slökkt á lyftum í háum byggingum í Changsha, höfuðborg héraðsins. Þar hafa íbúar þurft að ganga upp allt að tuttugu hæðir til að komast til vinnu. Maður sem vinnur í slíkri byggingu sagði blaðamönnum FT að hann hefði aldrei átt í meiri vandræðum með að komast í vinnuna. Hann sat til að mynda fastur í lyftu í 40 mínútur eftir að hún varð rafmagnslaus. Sambærilegar sögur hafa borist frá fleiri héruðum landsins. Yfirvöld í Kína segja að kuldakasti og aukinni eftirspurn sé um að kenna. Í samtali við FT sagði yfirmaður kínversk orkufyrirtækis að mörg af smærri orkuverum Kína reiði á kol frá Ástralíu vegna gæða þess og forsvarsmenn þeirra eigi í erfiðleikum með að finna eitthvað í staðinn. Þá ráði kínversk námuvinnsla ekki við þá auknu eftirspurn sem hefur fylgt innflutningsbanninu.
Ástralía Kína Mest lesið Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Þrjár verslanir í Múlunum sektaðar eftir rassíu Neytendastofu Neytendur Nýtt trend: Engir yfirmenn á vinnustaðnum Atvinnulíf Tupperware lýsir yfir gjaldþroti Viðskipti erlent Þetta kostar skyndibiti á Íslandi Neytendur Útlit fyrir frekari verðhækkanir á kaffimarkaði Neytendur Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira