„Þeir standa bara þarna úti með snjó í eyrunum og snjó upp að mitti“ Elín Margrét Böðvarsdóttir skrifar 23. janúar 2021 17:25 Aðstæður voru langt í frá með besta móti á Öxnadalsheiði í gær. Margrét Arna Arnardóttir Dóttir Margrétar Örnu Arnardóttur sat með heilmikinn snjó í fanginu í aftursæti bíls þeirra sem varð fyrir snjóflóði á Öxnadalsheiði í gærkvöldi. Aðrir vegfarendur sem höfðu hafist handa við að moka snjóskafl á veginum stóðu í snjó upp að mitti og með snjó í eyrunum. Margrét Arna hrósar happi að ekki hafi farið verr en kveðst undrandi á því hversu margir Íslendingar hafi lagt af stað yfir heiðina á illa útbúnum bílum með engan búnað í bílnum. „Það var nú engum meint af sem betur fer,“ segir Margrét í samtali við Vísi. „Við vorum að koma frá Reykjavík og aðstæður voru alveg hræðilegar yfir Vantsskarðið þannig að svona sirka tuttugu mínútur í tíu þá erum við í Varmahlíð og hringjum í Vegagerðina og þeir segja okkur að það sé allt í lagi upp á heiði, að það sé verið að ryðja og okkur sé alveg óhætt að fara yfir. Svo bara keyrum við af stað og aðstæður eru ekkert hræðilegar en allt í einu lendum við í bílaröð,“ segir Margrét Arna. Þau hafi setið í bílaröð í um tíu mínútur þegar maðurinn hennar labbar út og til að kanna hvað væri í gangi og kom þá í ljós að fólksbíll væri fastur á miðjum veginum í skafli. „Það eru örugglega fimm sex bílar sem eru í röðinni á undan og enginn neitt útbúinn. Það er enginn með skóflu, það er enginn með kaðal eða neitt svoleiðis en við erum á jeppa og erum með kaðal og skóflu þannig að hann ákveður að fara fram fyrir bílaröðina og nær að losa og toga út bílinn sem er fastur,“ útskýrir Margrét Arna. Fleiri hafi bæst í hópinn sem einnig voru með skóflu og ákváðu þeir að hefjast handa við að moka. „Þeir moka og við keyrum og bökkum og þannig vorum við að ryðja leið í gegnum þennan skafl sem hafði myndast á veginum til þess að allir bílarnir kæmust í gegn.“ Margrét Arna tók meðfylgjandi myndband sem sýnir ágætlega aðstæður á vettvangi. „Síðan í miðjum klíðum þegar þetta er í gangi og við erum alveg að komast í gegnum þennan skafl. Maðurinn minn, hann er að keyra, hann er í bílstjórasætinu og er með rúðuna niðri af því hann er að tala við strákana sem eru að moka og þá bara kemur allt í einu þvílíkur dynkur á bílinn og við vissum ekkert hvað hefði gerst. Dóttir mín situr þarna bara með snjóinn í fanginu. Hún er aftan í hægra megin,“ segir. Bíllinn og fjölskyldan sluppu heil Í fyrstu hafi þau ekki áttað sig á því hvað var að gerast. „Svo heyrum við bara allt í einu „þetta var snjóflóð“ og þeir standa bara þarna úti með snjó í eyrunum og snjó upp að mitti. Restin af snjóflóðinu kom beint á bílinn, undir bílinn og alveg upp á miðjar hurðar.“ Bæði fjölskyldan og bíllin hafi sloppið heil frá flóðinu og fyrir rest hafi þeim tekist að komast í gegnum skaflinn. Um svipað leyti kom lögregla á vettvang sem dró einn bíl í gegn. Þá gátu Margrét Arna og fjölskylda loks haldið leið sinni áfram yfir heiðina. „Þetta hefði náttúrlega getað endað bara mjög illa. Og manni finnst eiginlega verst að við höfðum hringt í Vegagerðina alveg um tuttugu mínútur í tíu og þeir segja að það sé verið að ryðja og allt í góðu. Svo fréttir maður eftir á að þeir hafi verið hættir að ryðja og hefðu ekkert átt að hleypa okkur af stað. Þá kveðst hún undrandi yfir því hversu illa útbúnir margir virðist vera sem leggja í ferðalag yfir fjallvegi á Íslandi um vetrartíma. „Maður undrar sig yfir því, við erum Íslendingar og við þekkjum alveg íslenskan vetur og við vissum það alveg að það yrði ekki gott veður. Þannig að við vorum á góðum bíl, við vorum með allan snjóbúnað í bílnum og skóflu og kaðal og maður undrar sig endalaust á því að Íslendingar skuli fara af stað upp á heiði um miðjan vetur,“ segir Margrét Arna. Umferðaröryggi Veður Akrahreppur Hörgársveit Mest lesið „Ísland fyrst, svo allt hitt“ Innlent Andrés við Epstein árið 2011: „Við erum saman í þessu“ Erlent Allir lifandi gíslarnir lausir úr prísund sinni Erlent Rússar uggandi vegna tals um Tomahawk flaugar fyrir Úkraínu Erlent Algengast að fólk láni eða fái lánuð verkja- og róandi lyf Innlent Gert að vara við sjaldgæfum fylgikvilla Erlent Flugnördar heims kveðja fegurstu flugvél Íslands Innlent Fágætar bækur hurfu í tugatali úr bókasöfnum og reyndust allar rússneskar Erlent Trans kona á landsþingi Miðflokksins: Sagt að hún væri skömm við kvenþjóðina Innlent „Hafið engar áhyggjur af Kína, það verður allt í góðu lagi“ Erlent Fleiri fréttir Algengast að fólk láni eða fái lánuð verkja- og róandi lyf Skjálfti upp á 4,0 í Bárðarbungu „Ísland fyrst, svo allt hitt“ Flugnördar heims kveðja fegurstu flugvél Íslands Þakklátur og væntir góðs árangurs í kosningum í vor 430 sunnlenskir grunnskólakennarar funduðu á Flúðum Flóðgáttir þurfi að opnast í Gasa Oddvitinn ætlar ekki aftur fram Nýr varaformaður, bílalestir á Gasa og síðasta flugferðin Vinnuslys í bakaríi Íbúar í Laugardal uggandi: Vegagerðin hafi hlaupið á sig vegna Sundabrautar „Ég hef aldrei skorast undan neinu“ Sjö milljarða framlög frá aldamótum: Vill endurskoða rekstur Húsdýragarðsins Snorri Másson nýr varaformaður Miðflokksins Trans kona á landsþingi Miðflokksins: Sagt að hún væri skömm við kvenþjóðina Fornbílar og þjóðbúningar á Eyrarbakka í dag Sigmundur endurkjörinn formaður Viðskiptaþvinganir, vopnahlé og leikskólamál Líkamsárás við skemmtistað Smáskjálftahrina minni á atburði fyrir eldgos Hekla Aurora kveður með útsýnisflugi frá Reykjavík Barneignir og sauðfjárrækt á sviðinu í Aratungu Kínverskir bílar gætu verið notaðir til njósna „Pólitík hjá ríkisstofnun sem á bara að vinna fyrir borgarana“ Mætti með hníf í sund og var vísað út Biden í geislameðferð við krabbameini Fann fyrir ákalli um ferska forystu Frambjóðendum fækkar og kínverskir bílar njósna um Norðurlandabúa Sendir Svein Andra í mál við ríkið Bergþór dregur framboðið til baka Sjá meira
„Við vorum að koma frá Reykjavík og aðstæður voru alveg hræðilegar yfir Vantsskarðið þannig að svona sirka tuttugu mínútur í tíu þá erum við í Varmahlíð og hringjum í Vegagerðina og þeir segja okkur að það sé allt í lagi upp á heiði, að það sé verið að ryðja og okkur sé alveg óhætt að fara yfir. Svo bara keyrum við af stað og aðstæður eru ekkert hræðilegar en allt í einu lendum við í bílaröð,“ segir Margrét Arna. Þau hafi setið í bílaröð í um tíu mínútur þegar maðurinn hennar labbar út og til að kanna hvað væri í gangi og kom þá í ljós að fólksbíll væri fastur á miðjum veginum í skafli. „Það eru örugglega fimm sex bílar sem eru í röðinni á undan og enginn neitt útbúinn. Það er enginn með skóflu, það er enginn með kaðal eða neitt svoleiðis en við erum á jeppa og erum með kaðal og skóflu þannig að hann ákveður að fara fram fyrir bílaröðina og nær að losa og toga út bílinn sem er fastur,“ útskýrir Margrét Arna. Fleiri hafi bæst í hópinn sem einnig voru með skóflu og ákváðu þeir að hefjast handa við að moka. „Þeir moka og við keyrum og bökkum og þannig vorum við að ryðja leið í gegnum þennan skafl sem hafði myndast á veginum til þess að allir bílarnir kæmust í gegn.“ Margrét Arna tók meðfylgjandi myndband sem sýnir ágætlega aðstæður á vettvangi. „Síðan í miðjum klíðum þegar þetta er í gangi og við erum alveg að komast í gegnum þennan skafl. Maðurinn minn, hann er að keyra, hann er í bílstjórasætinu og er með rúðuna niðri af því hann er að tala við strákana sem eru að moka og þá bara kemur allt í einu þvílíkur dynkur á bílinn og við vissum ekkert hvað hefði gerst. Dóttir mín situr þarna bara með snjóinn í fanginu. Hún er aftan í hægra megin,“ segir. Bíllinn og fjölskyldan sluppu heil Í fyrstu hafi þau ekki áttað sig á því hvað var að gerast. „Svo heyrum við bara allt í einu „þetta var snjóflóð“ og þeir standa bara þarna úti með snjó í eyrunum og snjó upp að mitti. Restin af snjóflóðinu kom beint á bílinn, undir bílinn og alveg upp á miðjar hurðar.“ Bæði fjölskyldan og bíllin hafi sloppið heil frá flóðinu og fyrir rest hafi þeim tekist að komast í gegnum skaflinn. Um svipað leyti kom lögregla á vettvang sem dró einn bíl í gegn. Þá gátu Margrét Arna og fjölskylda loks haldið leið sinni áfram yfir heiðina. „Þetta hefði náttúrlega getað endað bara mjög illa. Og manni finnst eiginlega verst að við höfðum hringt í Vegagerðina alveg um tuttugu mínútur í tíu og þeir segja að það sé verið að ryðja og allt í góðu. Svo fréttir maður eftir á að þeir hafi verið hættir að ryðja og hefðu ekkert átt að hleypa okkur af stað. Þá kveðst hún undrandi yfir því hversu illa útbúnir margir virðist vera sem leggja í ferðalag yfir fjallvegi á Íslandi um vetrartíma. „Maður undrar sig yfir því, við erum Íslendingar og við þekkjum alveg íslenskan vetur og við vissum það alveg að það yrði ekki gott veður. Þannig að við vorum á góðum bíl, við vorum með allan snjóbúnað í bílnum og skóflu og kaðal og maður undrar sig endalaust á því að Íslendingar skuli fara af stað upp á heiði um miðjan vetur,“ segir Margrét Arna.
Umferðaröryggi Veður Akrahreppur Hörgársveit Mest lesið „Ísland fyrst, svo allt hitt“ Innlent Andrés við Epstein árið 2011: „Við erum saman í þessu“ Erlent Allir lifandi gíslarnir lausir úr prísund sinni Erlent Rússar uggandi vegna tals um Tomahawk flaugar fyrir Úkraínu Erlent Algengast að fólk láni eða fái lánuð verkja- og róandi lyf Innlent Gert að vara við sjaldgæfum fylgikvilla Erlent Flugnördar heims kveðja fegurstu flugvél Íslands Innlent Fágætar bækur hurfu í tugatali úr bókasöfnum og reyndust allar rússneskar Erlent Trans kona á landsþingi Miðflokksins: Sagt að hún væri skömm við kvenþjóðina Innlent „Hafið engar áhyggjur af Kína, það verður allt í góðu lagi“ Erlent Fleiri fréttir Algengast að fólk láni eða fái lánuð verkja- og róandi lyf Skjálfti upp á 4,0 í Bárðarbungu „Ísland fyrst, svo allt hitt“ Flugnördar heims kveðja fegurstu flugvél Íslands Þakklátur og væntir góðs árangurs í kosningum í vor 430 sunnlenskir grunnskólakennarar funduðu á Flúðum Flóðgáttir þurfi að opnast í Gasa Oddvitinn ætlar ekki aftur fram Nýr varaformaður, bílalestir á Gasa og síðasta flugferðin Vinnuslys í bakaríi Íbúar í Laugardal uggandi: Vegagerðin hafi hlaupið á sig vegna Sundabrautar „Ég hef aldrei skorast undan neinu“ Sjö milljarða framlög frá aldamótum: Vill endurskoða rekstur Húsdýragarðsins Snorri Másson nýr varaformaður Miðflokksins Trans kona á landsþingi Miðflokksins: Sagt að hún væri skömm við kvenþjóðina Fornbílar og þjóðbúningar á Eyrarbakka í dag Sigmundur endurkjörinn formaður Viðskiptaþvinganir, vopnahlé og leikskólamál Líkamsárás við skemmtistað Smáskjálftahrina minni á atburði fyrir eldgos Hekla Aurora kveður með útsýnisflugi frá Reykjavík Barneignir og sauðfjárrækt á sviðinu í Aratungu Kínverskir bílar gætu verið notaðir til njósna „Pólitík hjá ríkisstofnun sem á bara að vinna fyrir borgarana“ Mætti með hníf í sund og var vísað út Biden í geislameðferð við krabbameini Fann fyrir ákalli um ferska forystu Frambjóðendum fækkar og kínverskir bílar njósna um Norðurlandabúa Sendir Svein Andra í mál við ríkið Bergþór dregur framboðið til baka Sjá meira